رواية خيآل لاتفوتكم (( الزمن طبعه كذا )) روعة قليل في حقها

أحبـــه حتــى لوماتكلــــمت وصرحت بحبهــا أحبهــا بــس حبهـا راح يبقـــي فقلبـي وماراح انطق فيـه لأحــد حـتـى لهــا ...
لأن لــو وتكلـمت بيفقد الحـب هيبتــه وبيكون مثـل حب اليوميــن هــذي لعبــه مملــه نلعبهـا كل يوم مع شخص جديد ..
بـس حبـي لجنــى حب حقيقــي وراح اكمــله بالـــزواج ...
بـس هــي ماتحبنــي وأكيــد تكـرهنــي من اول لقـاء بينــا وأنا تصـرفي معهـا خطـأ ..لو كنت متصــور اني بيــوم من الايـام بصــور مهــوووس فيهـا وافكــر فيهـا كذا ابــد مامديـت أيـدي عليهــا (عمـــــــري ما فكرت فيك و ما خطر فالبال حبك..لين قلبي قال ابيك ابيك و قالت اعيوني احبك),,, بــس لوتفكــر فينــي مثل مأفكــره فيهــا ,,, خل عنـــك هالجنــون يانايــف أكيــد نستك وماتذكـــر حتــى شكلك ... لااامستحيــل كيف تنسـاني وأنا اللي ماغاب عنـــي طيفهــا .......
-------------------------------------
فتـــح باب البيت الداخــلي وسالي واقفــه وراه بمـــلل اوووووف كل هــذي فتحـت باب وجات ووقفت جنبــه ياســر بعــد مافتح الباب :تفضلي ادخلــي سنيـوره ..
سالي رفعــت نظرها له وكانها تناظـر بقمـة جبــل لأنه اطولهـا منه بكثيـر :تتريق ..
ياســـر :العفــو وحنـانقــدر نتريق علــى سيادتكــــــم ..
سالي بقهــر طفولــي :الاتتريق ولاوش قصــدك ...
ياســر :مأقصــد شي ودخلــي ولاناويه تقضين الليل كلــه برى ...
سالي يعنــي تعبان ياقلبــي عليك بتنــام طيب ياعمــري انا اوريك ...وقالت وهي تناظر للأكياس اللي بيده :عطنــي الاكيـاس ..
وبعــد ماخذتهـن منــه قالت باتهــأم :ناقصــه وحـده ..
ياسر بأستغــراب :وش قصدك يعني سرقتهـا ...
سالي وهي كاتمـه ضحكتهـا :مأقصــد كـذا بس أكيــد نسيتها بالسياره ...
ياســر اللي تقدمهـاودخـل مع الباب :طيب ماراح تطيــر بتنتظـر لين الصبح ونزلهـا لك قبـل ماروح الشركــه ...
سالي توسعت ابتسـامتهـا بتروح الشركــه اهاا:بس انا ابغاها اللحيــن ..وضربت برجلهـا على الارض باصـرار ...
ياســر :لاتصيرن طفلــه عاد قلت بكــره يعنــي بكــره ..
سالي باستعـطاف :بس أنا ابيهـا اللحيـــن ماأعــرف انام بجلس طـول الليـل أفكر فيهـا ..
ياســر بالدهشــه :كــل هذا عشـإن الكيســه طيب اروح اجيبهـا وامــري لله ...
لحقتـه سالي وقفت عنـد الباب ...
وبعــــد ماحست انه ابتعــد صكت الباب من داخـــل بطريقــه مستحيــل يفتـح فيهـا ,,,وتأكد من الباب الخلفــي أنه مقفــــل وطلعـــت فوق لغرفتهــا وبنشــوة الانتصـار نامــــت ولافكـــــرت بنتيجــــة تصرفهـا الطائــــش ...

الجــــــزاء الخــامس عشـــــــر
الفصــل الاول

(..مانـي راجعلـك وحتـى لـو بكيـت.. قصتـي ويـاك مــن حــب انتـهـت..لا ترجـى مانـي راجـع لـو رجيـت .. مشاعري مع غيرك اليوم التهـت..معـاك انـا يامـا ويامـا لــك وفـيـت .. والنوايا يامـا هـي لـك كـم صفـت...قدمت كل اللي تبيه ولك عطيت .. مذكر انـي بيـوم لـك مـره رفضـت ..)
صحــت من النوم الساعـه عشـر الصبح وبـدون ماتغسـل وجها حتــى،، ركضــت لشبـاك اللي يطـل علـى المواقف تشـوف سيارات ياســر،، ومثـل ماتوقعـت ماهـي فيـه بـس عشـان تأكـد اتصـلت بالرشيـد بواب المـرزعـه تسألـه عن ياســر ولماتأكـدت منـه أن ياسـر طالـع طلبت منـه يتصــل على سيارة أجـره ....
ونفـذت الخطـه بحذافيــرها الاغـراض اللي اشتـراها لهـا امسكتهـا كلهـا وحطتهـا فبانيـو الحمـام وبعشـوائيـه سكبت عليهـا كل المنظفات اللي طاحـت عليهـا يدهـا ... وضحكــت بجنـون يوم شافت الرغوه تغطيهــا ...
لبست عباتهـا بسـرعه يوم اتصـل رشيد وقال إن سيارة جـات،،وقبـل ماتطلع طلعت من شنطتهـا قلم كحــل وكتبت فيـه على المـرايـه (آسفـه على اللي سويتـه بالملابـس بس شســوي بعمـري أنا كذا وقحــه،،لاتحـاول تـدور علــي،،لأنـه كـل واحد لعـب بالثانـي بمافيـه الكـافيـه واتـوقع اليوميــن اللي عشنـاها مع بعــض عطك صوره عــن حياتنـا المستقبيلـه لواستمـر زواجنـا..فانصـحك تريح عمــرك وتريحنــي وتطلقنـــي ...)
ضــرب المـرايـه بيـده وحـس الزجاج يتكســر تحت أيـده بـس ماهتــم لأنـه بهاللحضــه ألف وألف فكــره مجنــونـه تمــر فبالــه،،للمــره الثانيــه تسويهـا وتهــرب وهـو بكـل الغبـاء يسمـح لهــا ولاكأنـه صار شــي ,,ليــش كل هذا وعشـان ميــن ..؟!
مافيـه تصـرف واحـد يشفـع لهــابالعكــس كـل مواقفهـا معـه تححلل لـه إن يذبحهـا ويشـرب من دمهـا،،بس وش اللي سـواه فيهـا ولاشــي كان يمشـي تحـت أمـرها زي الابلــه،،وش اللي تسـويـه فيـه ليش بحضورهـا تأسـر كل حواسـه،،طالع بصـورتـه بالمـرايـه المكسـوره وتحسف علــى الحـاله اللي وصــل لهـا وعشـان ميــن ولاشـي نكــره ..؟!
(...الندم يا عاذلي طـول كثيـر ... والرجوع أصبح عذابه مستحيل ...وفر الأعذار وتأنيب الضميـر... ابـتعد أرجوك أنا جرحي خطيـر .... تجربة وبالحيل كانت قاسـه ...يا خسارة كل لحظة في هواك ... غرتك دنياك ادري غيروك...فرقونا يا حبيبي واسحروك....واقنعوك أني عذابك والحزن ضـاع تقديري ودفعت أنا الثمن... تجربة وبالحيل كانت قاسية .... يا خسارة كل لحظه في هواك ... منك أنا ياما تألمت وشقيت ... وياما ذقت المر وما عمري شكيـت ...ضاعت سنيني حبيبي بانتـتظار ... وما أخذت في يوم ضدك أي قـرار ... تجـربة وبالحيل كانت قاسية
يا خسارة كل لحظة في هواك ...يا خسارة كل عمري في هواك ...)

-----------------------------

دخلـــت مـع باب الشـارع وتـوتر طاغـي عليهــا بـس مستحيـل يكـون درى انها هربت بعـدين مستحيـل يفكـر أنهـا هنـا ... راحت تركــض مع الحـديقــه للبـاب الخلفــي ومن بيــن خوفهــا وخيالاتهـا حست بشي علـى تعثـرت فيـه وطاحـت على الارض فتحــت عيونهـا على الاخــر وهي تناظــر باللي قدامهــا ويوم استوعبـت المـوقف كانت واقف يطالع فيهـا بذهـول وماسك يدهـاصـرخت برعب وسحبت يدهـا منـه وبكـل قوتهـا دزتـه حتـى طاح علـى الارض ,, ركضــت للباب البيت اللي فتحتــه بصعوبـه ودخلت وقفلته وراهـا ...
(..وقفت دقات قلبـي وقفت ,,يوم وقفلـي وناظـر والتفت ,,من حلاه ومن ضياه ومن سناه,,لو نظر لشمس غابت وأنطفت ,,الله وأكبـر يوم ناظـر وابتسم ,,صاب قلبي من لحظ عينه سهـم ,,ماقدرت انطق ولاارد النسم,,كـن روحي فارقتني واختفت...التفت عنـي وفارقنـي وراح... تاركً قلبي محمـل بالجـراح ...ماصحيت الا على نور الصبـاح ...كنت أنا احلـم ساعة عيونـي غفت ..)

فتــح عيــونه علـى الاخيـر وضرب راســه عشـان يستوعـب اللي صـار اللــي شافــه حقيقـه ولاحلــم أكيــد البارحـه ثقـل فالشــرب والا اللي شافــه مستحيــل يكـون حقيقـه ....
تحامــل علـى نفسـه عشـان يوقف طاحـت يده علـى اللي اثبت لـه الحقيقـه وان اللي شافــه مـوحلــم حقيقـه وياصعبـها من حقيقــه ....

بعـــد مادخلت الغــرفه من البلكـونه نامـت علـى سريرهـا وبيـدها جوالهـا تامل الصـوره فيـه وهــي تـردد فنفسهـا مستحيـل احد يشكك بمصداقيتهــا صوره وليدة الصدفــه بس تعبـيرها أكبـــر ,,ضحكـت وهمست لنفسهـا بتغابـي: وش قاعـده اشـوف مشهــد غـرامــي ....
لاتطـالعـوا فــي كـذا محد لـه شـي عنــدي ..أنا حـره بأفكـاري وبســوي اللي يروقلـــي بشـوهـه سمعـت الاثنيـن سالــي وأخــوي أبشـع ذائب بشــري فالوجـود ... حتـى أنا بالاخيــر بأخــذ جزاتـــي بـس بعـد ماكـل هم يتحاسبــون ..!!

ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ـــــ ــــ
عفست سالـي الغــرفه فوق حــدر وهــي تدور ......
صـر خت بعصبيه :كـان هنــا آخــر مره كان هنــا ,,مافيـه غيــرها جنــى اكيــد غيـرت مكانه ...
بــس ويـن ..؟!!
مسكت راسهـا بيــن يديهـا :ويــن كـان تذكــري ... كان هنـا ..ايه عفيـه ..هنـا ويـن ..؟؟!!
ضربت راسهــا بالجــدار اللي جنبهـا وهي تصــرخ حتـى هذا موقادره اتذكــره ...ليـش انا يصيــر معـي كذا ليـه أنا من بيــن الناس اللي اتعــذب وكلــه بسببت أهلــي اللي موداريـن عنـــي ليــه اتيتـم وأهلــي عايشيـن حتــى أختــي اللي كنت احسبهـا حسبت أمــي سافـرت وهـي موداريـه أنا حيــه ولاميــته.. ليه مافيـه احد يحبنــي كشخـص كلـهم يهتمـون فينـي عشـان أبـوي بــس اختــي عيـال اختــي سعـود اخــوي وحتـ ـ حتــى ياســـر اييييييييه ياســـر فكــر فينـــي كصفقـه موانســانه ,,رفعــت راسهـا ودمـوعهـا شلال علــى خــدهـا يارب أمـــوت ولا ااستمــر بهالعيشــه ...
..حياتــي كلهــا تشــردبالتشــرد مـره اعيـش عنــد اختـي ومــره عمتـــي وبحــرقه :وحتـى مع الانسان اللي بيصيـر زوجــي كــل ذولا
اتشــــتت بينهــــم وأبـوي ولاداري ...
(...دربي طويل وتايه فيه ممشـاي .... مثل الغريب اللي مضيع دليلـه... يحدني وقتي على ضيم دنياي.... ورضيت بالمقسوم حتى قليله ... ياطول صبري وآآآه ياكبر بلـواي... أخفي عن العدوان همي وأشيله... أخاف أبوح بسر قلبي وشكواي... وتصير نفسي بـين ربعي ذليله... أضحك ودايم بسمتي تسكن شفـاي... ومن شاف حالي قال محد مثيلـه... وأنا بجوفي هم والنار بحشاي... والعمر يمضي بي وحاير بممشاي .... محروم من طعم الحياه الجميله ... الياس حل وماتت اليوم رجواي ... ولاعاد لي غير الصبر من وسيله ... يالله ياعالم بسري ونجواي.. تشيل عن قلبي هموم ثقيله...!! )

رفعـــت راسعهـا وباصابعهـا المرتعشــه رفعـت الشعـر عن وجهـا وبحــرقــه :ميـن الــوم علـى حياتــي هــذي الومــك يبــه لأنــك ضيعتنـــي ..ولا الومـك لانــك ماعرفت تربيبنــي وبجريرتهـا وصلت نفســي لهالمـرحلــه ...
مــن بيــن دمـوعهــا لمحـت الغرض اللي كانت تدوره ...
و............................................
بعـــد نصـــف ساعــــه سالـــي بالمطبــخ
سالــي وراسهــا ثقيـل لدرجــه موقادره ترفعــه مسندته بيـدها وتشــرب من الـ ....: اححح هــذا ليــش حارق كــذا اول مـره اشــرب بيبســي مــر كــذا يؤ هــذا بيبســي ولاديــو .........
رفعت الكـأس فوق مستــوى نظــرها وسكبـــت اللي فيـه على الطـاوله بس ماكان فيـه شي :
مافيــه شي من شـربه هــذا ... يوه صــح تبخــر بسبب عـوامـل الطبيعــه البلديـــه ....
مابقــى شــي اروح انــام احســــن واوم اوئــف وانت بتندهلـــــي ...
وقفت بصعـوبه ورمت الكرســي على الارض وطلعت وهــي تترنح وتردد بهلوســه :هــونسـى هــو قســـى لااااا نووووو اقــولك لا ســـوى العجب فينــي وياوررررررد ..............
>>>>>> نقطــــه علــــى السطــــر .
بعــــــد شهـــــر من الاحــداث السابقـــــه
فبيت ابـــوياســــــر
الاوضـــاع متازمــه بيـــن أبوياســـــر وياســـــر اللي كــان مستغــل نفــوذه ومـركــزه ابشــغ استغــلال ومنزل قهــره وغضبــه باللي تحـت سلطتــه وصايــر جبـار عصــــــره واليـوم فقضيـــه من مليـــون وحــده سواهـا يناقشــه أبوه فيهـا خوفاً عليـــه مــن دعـوة مظلـــوم ....
أبوياســـركان جالس ويكلــم ياســر بتعــب من مشـاكلــه اللي كثرت في الفتـره الاخيــره بحـزم قاله:مثـل ماشيلتــه هالقضيــه طلعــه منهــا أساليبك اللي دخلتــه فيهـا تقدر تطلعــه منها ...
ياســـر بسخــريه:اللي تطلبـه ذا منــي مستحيــل أنا مادخلتـه السجـن عشـان يطلع منــه ...
ابـوياســـربرجـاء :ياياســر ياولدي اللي أطلـبه منـك هــذا عشـان مصلحتــك أنا خايف عليك من الظلــم ....
ياســر :ليش المــره ذي اللي نظـرة فيهـا للموضـوع كـذا موطــول عمـرنا وهـذي شغلتنـا ...
أبوياســـر :بس ماتوصــل للقص أي قضيــه ثانيــه كانت أهـون منهـــا ...
ياســــر بعــد مبالاه:اذى وابعــدته عن طريق المسلميـــن....
ابـوياســر :الرجال الطيــب هـذا تسميــه اذى حرام عليك ياولدي ,,انت بس لوشايف الناس اللي كـل يوم جايتنـي عشـانه ماقلت هالكــلام ...
ياســر :مصـالح موعشـانه سواد عيـونه اكيد لهـم شــي عنــده ...
ابـوياســربغضــب :اسمــع عاد اذاماطعـت شــوري وطلعتــه منهـا فوالله العظيـم لأنت .......
قاطعــه ياســـر وهويوقف :لاتكمـــل يبــه لأنـه صدقنــي بتخســرني وموكسبـان شــي ..عن اذنك يبـــه ...
جلــس ابـوياســر يضرب كف بكف علــى حال ولــده الصعـــب ,,, ياما حذروه الناس من تشجيعــه ولـده علــى الخطــأ وهــوبالعكــس كان يتفاخــر فيــه وبالاعيبــه الغيــر الشـرعيـه اللي كـانت تكسبــه الملاييـن علــى حساب شركــات ثانيــه ماكان يهتـــم بال كيف كـان أهـم شـي عنــده ال كــم .. ليــن تحــول ياســـر اللي تعلـم على يد ابـوه الانـار مستعــره تأكــل الاخضـر واليابــس وتحــرق الكـل حتـى ابـوه اللي عجــز يوقفـه عنــد حــده ... و أي وا حـد يفكـر يوقف بوجــهه من موظفيــن واصحـاب شركــات يــدوس عليــه .. فكان يستغــل موظفيـن الشركات المنــافســه ويرشيهــم واللي يرفض يلفق لـه تهمــه تدخلــه السجـــن عشـان يكــون عبـره لغيــره .. لأن فكــرة أن أحــد يرفض لــه طلب تصيبــه بالجنــون ومـايكــون ياســر لو ماينـال اللي براســــه حتــى لوكـان حق أحــد ثانــي ...
وبالفتــره الاخيــره صار اكثــر تهــور وصارت القضايا اللي يلبسها لهــم اكبــر وكأن لــه ثأر بيقتــص منـــــهم صاريتعـامل مع الغيــر وكأنهــم يملكهــم ويحـق لـه ينـزل فيهـم أي عقـاب يجـوز لـه ...
(...يا هلي قلبي معاكم ... شوقي متعدي الحدود ...يا كثر عندي غلاكم ...انتوا عندي بالوجود ...يا هلي انتو ملاذي ...لي قسى عندي الزمان ...وانتو اغلى ما بحياتي ...وانتو لي معنى الامان ...وين اسافر عن هواكم ...دنيتي ضاقت علي ...والله اني من سواكم
ما بقالي أي شي ...)

عنـــد جنــى ووهـــج فبيــت أبــوناصــــــر كان اليــوم عنـــدهم عيــد ثالث ... سالي وبعــد غيـاب ثلاث اشهـر بتــرجع ....وهــج كانت بتحتـرق بمكـانهـا من كثــر شوقهـالهــا وجنـى فرحـانه مثلهــا بس ماتكــون جنــى لومأستغلــت الفرصـه ونكـدت عليهــا ...
جنــى لوهــج اللي تـدور علــى نفسهــا :بس انتــي اركــدي عاد دورتــي راسي معــك ...
وهج اللي جلست علـى الارض :مومصدقــه أنهـا أخيــراً بتـرجع حــرام عليك والله اليوم هـذا انتظـر من شهــر كل يوم وثانـي تقول بتجــي ....
جنــى بلعانـه :اصلاً هـي موجايـه عشان خاطـرك حبيبتـي هي بترجـع لأن الدراســه بدت وزي ماتعـرفين ساليوه دحيحـة يعنــي ماراح تفــوت اسبــوع دراســي ....
وهج لفت وجهـا للجهــه الثانيــه :لاتحاوليـن ماراح تحطمينـي بكلامك ذا .. وبوناســه رجعت تدور على نفسهـا : ياااااااي مومصـدقه أخيــراً بشــوف توأم روحــي الدبـه ساليــوه ....
سالي من ورى الباب :دبا بعينــك يالخايســه ...
وهج وجنــى بصوت واحــد :سااااااااااااااااااالـــي ...
وهــج وهــي تقفـز عليهـا بتضمهــا ...
سالي ابعــدتـها عنهـا وبميـوعــه وهي تحرك يدها برفض:لااااااااا بليــز بدون بــوس لاتخيسون وجهـي ...
وهــج بقهـر صفعتهـا بخفــه وباستهـا غصب عنهــا ومـن بين دموعهـا نطقت بألم :أحبــك والله أحبـك حـرام عليك ليــه تروحـي وتخلينـي ...
جنــى ابعــدت وهج اللي كانت متعلقـه بالسالي :وخــري بسـلم علــى حياتــي خالتــوو سالــي ...
سالي بنص عيــن :خالتك وحياتك مـن متــى هالكــلام ,, شكلك داخلـه على طمــع انصحك شيلــي الفكــره هـذي من راسك مو معنـاته اني راجعـه من القصيــم يعنـــي مليـانه بالعكـس مطفـره ولـد امــه ماخلــى بحسابي حتـى ريال وابــوي صاير يعطينـي بالقطـاره ...
جنـــى وهي تدزهـا بخفــه :ياشيـــن الغــرور تحسب كل النـاس طمعانـه فيهــا ...
وهـــج :لابليـــز لاتبــدون واللحيـن خلــونا نحتفـــــل ولفت علــى سالي :مجهــزه لك أحلـــي أغنيــه ...
وبخفــه خطفت الرمـوت من علـى الطاولـه وشغلـت الاستـريو ...
وكـانت اغنيـــة راشــد الفارس اللي مجهـزتهـا (من قـدنـا)
وقفت كل العيون،،والحكي صابه سكون
اقبلت ولكل يسال،،ياترى من هي تكون
هي قلوب العاشقين،،او شجون المغرمين
قال من ناضر حلاها،،سبحان رب العالمين
من قدنا في فرحنا،،من قدنا يابخـتنا
ليله خذتنا للحياه،،فيها الحبايب عندنا
ياعطرها وين الزهور،،تخـتارمن ريحك عطور
تهدي من انفاسك شذى،،ويلف هالعالم يدور
شمسي ولا اقوهاتغيب،،نورها مني قريب
هذي لو تدرون عنها،،مالها غيري حبيب
من قدنا في فرحنا،،من قدنا يابخـتنا
ليله خذتنا للحياه،،فيها الحبايب عندنا
-----------------------------------------------------
نايف وفــارس (اووووووه من هالثنائـي متعبينـي معهــم )
نايف كـان جالس يسمــع فارس وهــويكـلم وحـده من صديقـاته ويستهبــل عليهـا ونايف ميت ضحــك عليهــا وكـل دقيقـه يدقـه مع كتفـه يبيـه يجلس ساكــت ...
فارس ويـده علـى المايك وبهمس لنايف اللي جالس جنبــه ووحـده من سماعات الجـوال باذنـه : هسسسسسسس لاتفضحنـا ...هــز نايف راســه بالطـاعه بـس مســرع مارجــع يضحــك بخبـال بعــد ماسمــع فارس يقـول للبنت انــه خريج جامعـة : دنفر بكلورادوا .....
البنت بعبـط :فارس منـوهـذا اللي عنــدك يضحــك ...
فارس بارتبـاك :هاه ..ايه اللي يضحك واحــد من الشباب قاعد يتابـع فلم كوميـدي ويضحك ..
وبيــده كـان يحاول يمسـك رقبـة نايف بيخنقــه .. بس نايف ماسكـت بالعكـس زاد ضحــك ...
نايــف ماسكك بطنـه ويضحــك وبصـوت عالي :اقول فارس هذي بأي دولــه ..وماحـس الابالرجـل فارس بطنــه ...
نايف صرخ بألم :اخخخخخخخخخخخ ظهـري ...
فارس اشره له يسكــت ...
البنــت :حبيبـي وش صار من اللي يصرخ ...
فارس بابتسـامه لنايف :مافيـه شي سلامتـك ياعمــري ..
نايف طلــع للبلكــونـه وهو ماسك ظهــره اللي صدق المـه من الطيحــه ...
جلــس دقايق يتامل فيهـا الجـوقبـل مايلحقــه فارس ...
فارس وقف بجنبـه:ياقلبــي عليك تعـورت من الطيحـــه ...
نايف بقهـرصد عنــه :جاي تتشمـت انت وخشتـك عشـان بنت كسـرت ظهــري ..
فارس:وش اسوي فيك مخروش ماتعرف تمسك نفسك بعــدين هـذي صيـده سهلـه وأنت كنت بتضيعهـا بخبالك ...
نايف :اوووف منك انت دايم هدفك خبيث ياخي خـل بنات الناس بحالهـم كفايـه لعـب والله حـرام عليك صدقنــي تنـرد بعرضك ...

{أتأمـرون الناس بالبر وتنسون أنفسكم وأنتم تتلون الكتاب أفلاتعقلون }
فارس بتكشيره:ياكـرهك اذا جلست تنصــح أبد مولايق عليك الدور يبنــي اول صــل صلاة ربك بعـدين تعال كلمنـي عن الحلال والحـرام ....

نايف :لاتكلمنــي بهالطـريقــه هـذي جزاتـي اني انصحــك ...
فارس :حبيبـي نايف يابعــد هلـي قفلي على هالموضــوع لاتكـرهني بعيشتــي والعن الساعه اللي عرفتك فيهـا ...
نايف :خلاص ماقلنـا شي بس انت بطلـي من عصبيتك هــذي ...
-----------------------------------

ناصــر كان مع سلطــان بالسياره وكان ملاحظ ان سلطان متـــكدر وحالتـه معفـوسه هـو يدري وش السبب بـس حاب يعـذبه ....

سلطـان :وين تبغانــي انزلك ...
ناصـر :وين ماتحب لوبالشارع ماعنــدي مانــع ...
سلطــان :وش دعــوى وليـه بالشـارع ..
ناصــر :مادري بس احـس انك مــو متحملنـــي ...
سلطـان بانكــار :لا افااا عليك عزيـز وغالــي وماتوصـل لهدرجــه ...
ناصـر ماعجبه هالوضـع فحب يستفزه أكثـر :
أقول أبو ناصـر ماقلت عن .....
قاطعـه سلطـان :لحضـه .. لحضــه ..من ابوناصـر انشـاءالله ...
ناصـــر :ومن غيرك يالطيب ...
سلطـان :ومن سمح لك اتسمـي ولدي انشاءالله ...
ناصـر بخبث :والله ولد أختـي وباختـاره اسماً شيك والى انت عنــدك مانــع ...
سلطـان انقلب كيانـه بعد هالكلمـه :والله لوتبغى تسمي عيالي كلهم ماعنـدي مانـع المهـم تكـون انت خالهم ...
ناصــر كاتم ضحكتـه :الله يسوي اللي فيــه الخيــر ..
سلطـان :يعنـي ..؟!!!!!!!
ناصــر :وش اللي يعنـي ...
سلطـان:ناصـر الله يخليك باقـي عنـدي حبتيـن صبـر لاتستنفذهــم ...
ناصـر ماتحمــل يمسك ضحكتـه اكثـر وفجـرها بوجـه سلطـان ....
جلس ناصــر مده وكـل ماسكـت شاف وجـه سلطـان المتضايق رجـع يضحــك لين فالاخيــر تحامل على عمــره وسكت ويوم رفـع راسـه شاف سلطـان يطالعـه برود ....
ناصـر :خيـر وش فيـك ...
سلطــان :تفضــل انــزل ..!!
ناصــر بصدمــه :ويـن انـزل للشـارع ....
سلطـان بابتسـامه باهتـه :لاحبيبـي انزل لبيتك وصلنـا ...
ناصــر بعــد مانتبــه لمكـانهم مط الابتسـامـه وبالسـرعه نزل وفتـح باب سلطـان ..
ناصـر وهوماسك باب السياره :حياك انزل تقـهوى ..
سلطــان مسك الباب بيصكـه :لاوالله ماتقصــر بس تعبـان بروح انام عنـدي استــلام الليـله ...
ناصــر :موبس انت اللي عنـدك استــلام لاتصيـرعيار وانزل تقهــوى اذا بغيت تسمــع اخبـار تسرك ...
وتكــره يفكـر بقراره ودخــل للبيت وترك الباب مفتــوح لـه ...
يوم وصـل المجلس كان سلطـان وراه ...
ناصــر وهو واقف علـى باب البيت الداخلــي :اعذرنـي سلطـان دقايق بس بغيـر ملابسـي واجــي وعادل اللحين يجيك بالقهــوه ...
سلطـان :خذ راحتـك لاتشغـل نفسك فينـي اعرف ادبر عمـري ...
دخــل ناصـر البيت بسـرعه حتـى مانتبـه لأمـه اللي كانت جالسه بالصـاله ....
وهـو مار من جنب غــرفة وهــج سمـع هيصـه والصـراخ عنــدها فدق علـى بابهـا وهو ينتظـرها تفتح له سمـع صوت سالي وعـرف أنهـا رجعــت ...وهج افتـحت الباب وهي تضحـك بس شافت من علـى الباب اختفت الابتسـامــه ووجهـا صار الـوان بسبب لبسهـا (كانت لابسـه بدي بعلاقــه وحده بـس وبنطلـون ) ...
ناصــر بأستنكـار :أمــداها الخـاله تأثر فيكــم مالها ساعـه من دخلـت البيت نفثت السمومهـا فيـه ....
سالي جـرت وهج ووقفت مكـان :حيا الله ولد أختــي رجــال البيت اللي مايفوت فرصــه الا ويسبنــي فيهــا ...
ناصــر :يعنـي رجعتـي حدســي ماخـاب ... ومسكهـا مع اذنهــا :واللحيـن ممكـن تقوليـن لي وين كنتــي يوم طلعتـي من البيت ..
سالي وهي ماسكه يده اللي ماسك فيهـا اذنهـا :كنت عنــد عمتــي حـرام ازورهـا ...
ناصـر فكهـا وتكتف قدامهـا :ماشاءالله من متـى الخاله تهتــم بصلـة الرحـم ...
سالي :بالساعــه اللي أحـب عنــدك تعليق ثانــي ...
ناصــر :لك أنتـي لا ... والتفت علـى وهــج :البـس هذا ماأبغــى اشـوفه عليـك مره ثانيـه وابتسـم بخبث: اذا تزوجتــي انشـاءالله ألبسـي اللي تبينـه فبيتــك ...
وهــج بهاللحظـه ماأقـدر اصوف لكــم شعـورهـا حست نفسهـا بيغشــى عليهـا من وقـع الكلمـه عليهـا اولاً ثانياً انهـا من ناصــر اللي ماطـرى على بالهـا بحياتهـا كلها انها بيجــي يوم ويتكلم معهـا بهالطـريقــه ...
يوم رفعت راسهـا بتشــوفه ماكان فيــه وانتبهـت على نظــرات سالي المصـدومــه ثوانــي بس وبعــدها انفجـرت فيهـا سالي تضحك وبهستـريا ....
دخلــت وهج وصكت الباب وراهـا كانت بتكلم بــس منظـر جنـى اللي كانت مقطعــه نفسهـا من الضحك بس بالصمت استثارها :بسسسسسسسسسسسسسس لاتضحكيـن سخيف اصلاً مايضحك ...
وغطت عيـونها بيدهـا وراح تركض للحمـام وهـي تبكــي ...
سالي حاولت تمسك وهج بس ماقدرت لأن نوبـة الضحك مافكتهــا ...
بعــد نصف ساعــه من الضحك كانوا سالي وجنـى كل ماقرروا يسكتـون ناظـروا بعض رجعـوا يضحــكون ...
جنـــى بصوت مخنــوق من الضحــك وهي تمسـح دموعهـا :قمـة الاحـراج الله يعينهـا طاحـت بلسـانه صدق اقشـر ...
سالي :أنا اللي مو مستوعبتــه وش اللي خلاه يقـول هالكلام لها السالفه فيهـا أن ...
جنـى بتفكيــر :لايكـون أحد خاطبهـا والله موهينـه هالوهـج تنخطب بعــد ...
سالي :ليش ناقص رجـل ولا أيد عشـان ماتنخطب مثـل كل البنـات .. ووقفت تطالع بنفسها بالمـرايـه :اصلاً يكفيهـا فخـر أن عنـدها خاله مثلــي كلهـا ملــح ...
جنــى اللي واقفـه ورهــا :اصلاً هالخاله تحــمد ربهـا ان عنـده بنت أخت عيونهـا بلون العســل ...
سالي ضربتها بكـوع يدها:اقـول زولــي بس الصوره ماتحمــل غزال وقرد ...
جنـى بالصـرخــه وهي ماسكه جنبها:اخخخخ ياخشنــه الله يعيـن ولد عمــي عليك ...
سالي بــس اسمعت هالكلمــه جنت جنونهـا :ولد عمك المتخلف هـذا لاتجيبين سيرتــه ....
جنـــى :طيب لاتعصبيــن بـس اجلسـي محتـرمه عشـان ابدالك الاحتـرام وماجيبلك سيـره تغثـك ...
سالي :اوووووووه وهـج نسيتهـا كله منك يالثرثاره ....
بعــد ماطيبـوا خاطــروهـج وغيـروا مزاجهـا لأنهـا كانت ذابحــه نفسهـا من الصياح كـانت مصـدومــه ومحـرجه بنفس الوقت ..وكملــوا سهــرتهــم بلعـب وهيصــــــه ...

-------------------------------------------

سلطــان دخـل المجلــس وطلـع جواله يتصـل بواحـد من معـارفـه لأنـه توقع ناصـر يطـول بس بالعكـس ناصـر رجـع بعـد عشـر دقايق وحتـى ملابسـه ماغيــرها ....
سلطـان قفـل من اللي يكلمـه والتفت علـى سلطـان :لهـدرجـه ملهـوف علـي رجعت حتـى ملابسك ماغيـرتهـا ...
ناصـرطالع بمـلابســه :يووه تـصدق نسيت انا رايح لأيش سولفت مـع الاهـل ونسيت ان داخـل لأيـش زين اني تذكرتك ...
سلطـان :لاعـاد هذي قويه أنك تنساني مأقدر أعديهـا لك ...
ناصــر مدد يده علـى المـركا وماسك السبحـه بين اصابـعه :ياحيـا الله سلطـان ...
سلطـان :الله يحيـك ويبقيـك ,,, وتعـدل جلستــه : ماقلت لــي ناصـر وش ردوا عليــك الأهــل ...
سكـت ناصـر مـده طيـحت قـلب سلطـان بعـدهـا ابتسـم وقـال : والله ماعنــدهم مانـع وتقـدر تشـرفنـا انت والاهـل بأي سـاعه تحـب ...
تنهــد سلطـان بصـوت مسـموع واستـراح بجلستـه ...
ناصـر بضحكــه :ياءالله لهدرجـه متعذب صـدق انــي وحـش اللي صبـرتك كـل هالمـده ...
سلطــان :أيـه اضحك مــوانت اللي بكـل خطـوه تمشيهـا تحـس أن وراك ماضـي يلاحـقك ماعشـت حيـاة الرفض اللي انا عشتهـا كـل مـره اخطـب فيهـا اتجـرع المــر لشفت نظـرة الاسى بعيـن امــي فكـل مره ينرفض فيهـا ولــدها لدرجـة انــي شلت فكـرة الزواج من راســي لميـن شفـ ..... >>> سلطـان تلاحق نفســه بالحضـه الاخيـره كـان بيقـول كلـمه بتقتـل فرحتــه والله وحـده العالم كيف بيكــون موقف ناصـر منـه ..
ناصــر كان منـدمج مع كـلامه ويـوم سكـت رفـع راســه له شاف سلطـان يوقف ويطلــع من المجلس بالسـرعه وهو يودعــه بصوت مخنـوق ...
ناصـر جلس بعــده مـده جالس لحالـه يستعيــد كلام سلطـان اللي قطعــه ويحـاول يفهــم وش كان بيقــول بس مـاقدر يربط الكـلام ببعضــه ....
------------------------------------
بعــد الفجـر كانت وهـج تجهـز للجـامعــه وفاتـحه النـور علــى سالي ... وهـي تشتغـل بدون قصـد طيحـت الاستشـوار ...
سالي فتـحت عين والثانيـه مقفلتهـا :يــوه وبـعدين صجتيـن ترى ...
وهج عضت شفتهـا :يووه صحيتــي ماكنت اقصـد ازعجـك ..
سالي انقلبت علـى الجهـه الثانيـه وتغطـت بالحـاف :ياربيـه طفـي النـور واطلعـي برى ...
وهج :طيب دامك صحيتـي داومـي معــي ..
سالي جلست بقـوه :وشـوووو ماعاد الا اهــي هذا اللي ناقصنـي بعـد ..
وهـج جلست جنبهـا :طيب ليه لا والله وناسـه الايام هـذي لامحـاضرات ولاهـم ...
سالي رجعـت تنام :اقول ضفـي وجهـك وروحـي استانسـي لحـالك ...
وهج رفعـت عنـه اللحاف :يالله عاد سالي حبيبتـي والله بنبسط وبعـدين فكـري فيها زيـن لورحتـي اليوم بتـكون مفاجئـه للبنـات محـد يتـوقع انك بتـداوميـن من أول اسبـوع ...
سالي بملل :لامالي خلق مانمـت زيـن ...
وهـج :يالله عاد لاتعقدينهـا ...
سالي :تهقيـن يعنــي ...
جرتهـا وهج مع يدهـا ونزلتهـا من السريـر ودخلتهـا بالحمـام وتسنـدت عليــه :يالله بسـرعــه خذي شور
وانا بجهـزلك لبـــس ....
بعــد ساعــــه بالصــاله تحـت ...
علـى سفـرة الاكـل ماكان جالس الاعادل وهـديل الي نايمــه ...
ودخلت عليهـم أم ناصــر :هديـل يمـه قومـي هذا أول يـوم لازم تبـدين بالنشاط ...
هديل وهي قافله عيونهــا :يمـه الله يخليك مابـي اروح بغيـب والله كل البنات يغيبـون الاسبـوع الأول كلــه مواليـوم الاول بـس ..
أم ناصــر مدت له كأسة الحليب:يالله عاد بتـدرسيـن واذا بتغيبيـن روحـي استأذني من ناصـر شوفيـه نايم فوق ...
هديل بنقزه :هاه ناصــر لاخـلاص مايحتـاج ... وجلست تشـرب حليب وهـي تحرطم ...
سالي جتهـا من ورهـا وباستهـا :يازينهــم والله الناس المبرطمـه من أول يـوم ...
هديــل غصت بالحليب :خالتـ ... كح كح ...
عادل بالدهشـه بعـد ماسلم عليهـا:خالتـي سالي متـى جيتـي ...
سالي باستهبـال :من واحد وعشـرين سنــه ...
عادل :يوه تصدقيـن مادريت عاد والله أنك معمـره ..
أم ناصـــر :بس ياعادل اشغلت خالتك تركهــا تفطـر ..
سالي بهمـس باذن وهـج :يـوه ماشاءالله طويلة العمـر راضيـه علينـا والله ماتوقعتهـا تفتـح لي باب البيت بعـد السالفـه اياهـا ...
جنــى :يووه فجـرتي اذن البنت وبعــدين حـرام المساسرتكلمـي بصوت عالـي ...
سالي :وجع خبلتـي فينـي ماتعـرفين تسلميـن لادخلتــي ...
جنــى :سلمت وجلست وافطــرت وانت طاقتهـا سوالف ولاحسيتــي ...
سالي غيرت الموضوع :الاوينــه سامـي موبدارس ...
عادل :لاويـن مودارس وهتلـر موجـود بس طلع يسوي رياضــه ...
سالي ماستوعبت الكلام فالبدايـه بس لما افهمــت التفت على عادل بقوه :ايشششششششش ...
الكـل ضحك علــى ردة فعلهـا ...
سالي :والله صدق وش طاري عليــه ...
جنـى :عقدوه يالدب يالمنتفخ صابتـه عقــده ...
سالي :ياحبيلوه طالع حساس ...
وهـج وقفت :بروح اجيب عباتــي تجيـن ...
سالي :لامايحتاج انتي جيبـي عباتـي معك وشوفي شنطتـي على السرير ...
بعــد نصف ساعــه بالسياره عنـد الاشاره
وهج لسالي :سالي شوفـي السياره ذيك من يوم طلعنـا من البيت وهــي ورانـا ...
سالي باستغـراب التفت علـى المكان اللي طالعه فيـه وهـج وشهقـت :خيبـه تخيبـه ولد أمــه وش يبـي ..؟!
وهج بالصدمـه:تعرفينــه ..؟!
سالي باستعباط:ايه خويي ..... وكملت بقهــر بعـد ماشافت وهج تطالع فيه :ياحمـاره لطالعين فيـه بينتبـه عليك ....
وهج ماسمعت الا الكلمـه الاولى وكررتهـا بغباء:خويـك ..
سالي ودهـا تذبحـها:ياغبيـه زين كذا انتبـه لك هـذا ولد عمـك الزفـت ...
وهــج بالصدمـه:ياســر .. ورجعت تطالع فيــه ..
:يمــه شكلــه مرعب ...
سالـي :مرعب وبــس ..ياربـي وش هالفأل اشـوف وجهــه على الصبــح ..
وهج :سالي والله من صدق كـأنه يدري أنا نطـالعــه ...
سالي :أكيـد يشوفك أنتي مصـدقه أن ذي تظليلــه ...
وهــج :ياربي متـى تفتح هـذي ...
سالي :طيب ليش التـوتر موطاب علينـا بالسياره بعدين انا اللي يخصني الموضوع ماخفـت زيك ..
وهج :ياربي الله يستــر ...
------------------------------

الجـــزاء الخامـس عشــر
الفصــل الثانــي



مرت سبــع ساعات عايشتهـا بخـوف وتوتر ماصدقت الساعه توصـل ست المغــرب حتــى طلبت مـن أمهـا بتروح لسوق مع السواق أمهــا كانت رافضــه ومارضت الا بالغصيبـه وأن سالي تروح معهـا بس سالي كانت نايمــه واصلاً حتـى لوكانت صاحيه مستحيل تأخذهـا معهــا لهالمشـوار ...

طــوال الوقت وهــي في السياره جالســه تسترجع الكــلام اللي دار بينهــم فالمكالمه الاخيــره صح فارس هددهـا بانه مسجــل مكالمـاتها بس هــو أكيــد مايقصـد اللي فهمتــه وأكيــد لشرحت له ظروفهــا وأنهـا ماتقــدر تقابلــه اكيــد بيفهمهـا ... وأبرار أكدت لهــا انه مستحيـل يأذيهـا بس هــي تروح له...

تذكــرت كلمـة أبرار اللي يوم سمعتهـا حست بعمق العلاقـه بينهـا وبين فارس هــو يبغاهـا تثق فيــه وهـذا من حقــه يعنـي هي تجلس اكثــر من اربع شهــور تحكــي له مشاكلهـا وهو يسمع لها وماعمره تأفف ولامــل واللحين تجازيــه بالنكران اقل شي تسويـه له أنها تثق فيــه اللي سواه فارس لهـا مستحيل أي شخص ثاني يسويــه فارس انسـان مافيــه منه اثنيــن الله يجــزي ابرار مليون خيــر اللي عرفتهـا عليــه ...واللحيــن بتقابله بتشوفه حست جسمهـا ينشنج بسبب هالفكــره هـزت راسهـا تبعــد عنهـا الافكــار المخيفــه صح ان اللي بتسويه مغامــره بس كل شي يهــون كرمـال فارس اللي ضحــى بكثيــر من وقتــه عشانهـا بعــدين ساعه ماراح تنقص من عمـرها شي وهــي بتكلــم معــه بالسوق يعنــي مافيــه أي شي يخــوف بالموضوع ...
-----------------------------------
مو مصــدقه اللي يصيــر معهــا كيف رضت تركــب مع شخص غــريب عنهــا وتروح معــه لشقتــه حتــى لوكان فارس اللي تعــرفه من اربع اشهــر وتثق فيــه كــل هذا مايسمــح لها تخطــى الحدود بس اللحيــن وش بيـدها تسويــه التفتت وهج علــى فارس اللي جالس بجنبهــا يســوق شافتــه يبتســم لهــا ابتســامه حست تطمنهــا وهي بالحقيقه ابتسـامه لئيمــه خبيثــه من اخبث انسـان ...فارس مومصــدق اللي جالس يصيــر معـه وكيف ان وهــج ساذجــه مابذل أي جهــد عشان يقنعهـا تجي معـه لشقـه بحجـة انه خايف أحد يشوفهم مع بعــض وأكيـد هو مو خايف على نفســه خايف عليهـا ... بالصعــوبه قدر فارس يكتــم ضحكتـه اللي كـانت بتطلــع منه رجــع يطالع بوهج اللي جالس على الكـرسي اللي بجنبهـا حس بجسمــها يرتجف تحت العبـايه وقال لنفسـه :اللحيـن خايفه اجــل بعـد شوي وش بتســوين الظاهر بتصيــر سوالف ....
كان يمشــي على أقــل من مهلــه ... وتذكــر موقف صارله مـره مع نايف بعــد ماقابــل جنــى كــان مســرع ونايف شافــه واتصــل عليه وقاله من باب المـزح لاتكــون مـركب وحــده من خوياتك وخايف عليهـا ...
تنهــد فارس مــن قلب يوم تذكــر الموقف هـذا انتبهت عليــه وهج وابتســم لهـا وضحك على نفســه كيف ابحـرت فيــه افكـاره ...
بعـــد تردد انــزلت معــه وهج للشقــه فتــح باب الشقــه ودخلــت بعــد تردد ..
فارس :تفضلــي وهج اجلســي اعتبـري نفسك فبيتك ...
وهج هـزت راسهــا بس ماجلســت ...
فارس مأصـر عليهــا جلس على كرسي وحط رجـل على رجـل وجلس يطالع فيهـا نظــرات حسستهـا بكبر غلطتهــا ظـل مــده بدون مايتكــلم ..
وقال بعــدها :بنبقــى كثيــر على هالحالــه ..
وهــج بارتجاف وبين كل كلمـه وثانيه تأخذ نفس :انت اللي قلت بتكلــم معـي
وش كنت تبــي فينـي ...
فارس وقف وقرب منهـا ومـد يده بينــزل غطـاها عــن وجهـا بس هــي تراجـعت عنــه حتــى وصلت للجـدار اللي وراها وبخــوف قالت له :فارس وش بتســوي ..
فارس هـز راســه بأسف وقال :ياخسـاره كنت ابغــى اشوف وجهـك على الطبيعــه الصـورخـداعــه ..
وهج بالصدمــه :أي صور انا ماعطيتــك أي صـور لــي ...
فارس :بس غيــرك عطانــي موصورك أنتــي وبس صور كل العائله الكـريمـه ومن بينهــم صورة حبيبتــي حراميـة الجوري جنــى اختك ....
وهج صــرخت بذهــول :جنـ .. ـى وحبيبـ ـ ـ تك أنت وش قاعـد أتخرف وتقــول .. فارس حــرام عليك لاتكلمنــي كذا ....
فارس بضحكــه خبيثــه :ياقلبي أجل كيف تبغينـي اكلمــك لايكـون انطـوت عليك حيلة اني احبك وابغــى اساعــدك للأسف ماطلعـتي بذكاء أختــك وحنكتهــا وماخيبتــي ظنـي يوم اختـرتك للعبتــي ساذجــه بسهــوله ينقص عليــك ...
وهــج كـانت واقفــه بمكـانها ورجليهـا مو قاويه تحملها تتلقى الصدمـات الوحـده ورى الثانيـــه ...
فارس :يـوه شكلك للحيــن مافهمتــي شي والله تحـزنيــن ... طالع فيهــا وشافهــا وهــي تجلس علــى الارض وكأن رجليهـا موقادره تشيلهـا ...
فارس اللي جلس قريب منهـا :لاا لاا مو بسرعـه كذا تنهـارين يلأسف ماطلعتــي بشجاعة اختك .. طيب حبيبتــي وش رايك اقولك قصــه قصيـره تمــدك بشجـاعه .. وشد طرف عبــاتهـا بأستخفاف ...
وهــج صرخت بذعـر وجلست تزحف على ورى وكأنهـا بتحفــر الجدار وتـدخـل فيــه ...
فارس بضحكــه شريره :علــى هونك اذا من اللحيــن هـذي حالتـك اجـل بعـد ساعــه وش بيصيــر فيك ...
ورجــع يجلس علــى كرسيــه وطلــع بوكـه وطلــع منه صوره رفعهـا بيده عشــان وهـج تشوفهـا بس وهــج ماتشـوف ولاتسمــع شي الصدمـه كانت أقــوى منهــا ...
فارس :شفتــي هذي اعتقد تعـرفينهـا أختـك جنــى اللي انتــي هنـا عشـان تسدديـن ديونهـا .... وباس الصـوره ورجعهـا لبوكــه
واللحيـن اسمعـي هالقصـه اللي أختـك مثلت فيهـا دور البطــولـه .. كان يامـاكـان .................................................. وقال القصـه من البــدايـه ومــع كــل كلمــه يقولهـا وهـج كانت تحتــرق بمـكـانهـا خلاص ضـاعت مافيـه أحــد ينـلام علــى اللي صارلهـا الاهــي .. جنـى اللي اصغـر منهــا أحكــم منهـا وتعــرف مصلحتهـا أكثــر منهـا .. مـاكان قـدامــها الا تدعــي ربهـا مفــرج الكــروب يفــرج كربتهـا ويحميهــا ...
انتبهــت علـى فارس يقولها بصــوت كلــه حقــد ورغبـه فلانتقـام :اللحيـن فهمتـي وش مصلحتـي منك والا على بالك متحمـل اربع شهـور بثقالة دمك وغباوتك عشـان سواد عيونك ...

كانت وهــج جالســه علـى السلــم يوم طلــع لها نايف .. كلمـها صـرخ عليهـا عشـان تنزل معــه بس هــي ماصدر منهـا أي تجاوب ويوم يأس منهـا جرهـا بيده السليمـه ونـزلها لسيـارتـه ...

وفالسيـاره سألهـا :ويــن كـان السواق منـزلك ..؟!
وهــج يوم سمعــت من هالكلــمه حست الحيـاه ردت لهـا يعنـي ماراح يوصلهـا للبيت بنفســه يعنـي ماراح تنفضــح ...حاولت تكلــم بس صوتهـا ماساعـدها وبعــد معـركه طويله مع نفسهـا طلع صوتها مرتجف مخنـوق ....
نايف كان ماسك السكان بيده السليمـه وكـان مشــي السياره بســرعه مجنـونه ...



---------------------------------

صحت من النـوم وهــي ترتجف وتعـرق من الخــوف حلــم مرعب ماتمنـى لالد اعدائها يشوفـه ... حســت بنفسهـا تهــدأ مع مرور الوقت نزلت من سريرهـا وراحت تغسـل وجهـا انتبهت لسـاعه 7ونص فالليل غريبـه وهج ماصحتهـا ...
البست جيكيتهـا فوق البيجامه اللي عليها وطلعت بالبلكــونه جلست على حالتها هذي قبــل ماتشوف سيارة السواق تدخـل وتنزل منهـا وهج وهـي موعلى بعضهــا ... سالي بصوت مسموع :ايا نذله وهجـوه تطلعين من وراي والله صايره تطورات فالبيت من عقبي كيف هيلا تخلي وهج تطلع لحالها ..؟!
طلعت سالي من الغرفه وبطريقها لتحت صادفت جنـى طالعه فوق ... جنــى :هااي سالي كيفك مع الدراسـه ...
سالي ضمت يدينهـا حولهـا بسبب البرد :عاديه مافيها جديد انتي اللي رحتي مرحله جديده كيف الجامعه معك وقسـم الحاسب ...
جنــى :ووووع لوعـه .... بتنزلين تحت ..
سالي :ايه وينهــم ..؟!
جنــى وهي تأشر براسها :شوفيهم بالخيمــه روحـي هناك الجـو دافـي يجنن ...
سالي :ايه بروح وانتي تعالي بسرعه .. وجت بتنزل بعـدين رجعـت لفت على جنى :ايه صح وهج وش عنـدها طالعه ...
جنـى بشهقه :ايه صح انتي ماكنتي معها اجل كيف تقول لامي أنك بتروحيـن معهـا ...
سالي :لاكنت نايمـه وماقلت بس شفتهـا تو وهي نازله من السياره ..
جنـى :والله ماشفتهـا بس ليه تقول لأمـي أنك بتروحيـن معهـا عالعموم لاتدري امي انك مارحتـي معهـا موناقصين معـارك ...
سالي :اصلاً ماراح افتح فمي بكلمه ادري امك بتخلي كل شي على راسـي اصلا ًهي تحتـري من الزله ...
جنــى وهي تكمـل لطريقهـا لفوق :والله أنكــم تحــف تشـاووو ..
سالي راحـت لهم بالخيمـه وجنــى راحـت لغـرفتهــا تكــلم رحــاب ... أول ماتفــرقوا دخلــت وهـج اللي كـانت تسمـع كلامهـم وهـي جالسـه ورى الباب طلعت ركض لغـرفتهـا ودخلت وسكـرت الباب بالمفتاح رمــت نفسهـا على سريرها وتغطـت وهي للحين لابسـه عبـاتهـا ماتبغـى تفكــر شي تبغــى تنسـى كل اللي صار معهـا اليوم لأنهـا لوفكــرت فيـه بتنجـن أكيـد غمضت عيونهـا .. كـل اللي صار معها اليوم من تكلمت مـع ابرار ليـن اللحظـه هذي مومصـدقته تحس نفسهـا تحلـم اللي صار معهـا حلـم تمنى تصحـى منــه ... معقولـه صار كـل هذا معهـا وللحيــن هـي عايشـه ..!!!
كيف وشـلون فارس نايف .. ولـد عمتهـا شيخـه .. وش بعــد مو مستوعبـه شي كيف جتها الجـرأه تسوي اللي سوته كيف قلبهـا طاوعهـا تخـون ربهـا ودينهـا وأهلــها وتقابــل انســان غريــب عليهـا لوماتــدخــل نايف وش كان بيصيــر ..؟؟!! .. لو والف لـو ... ليش سوت اللي سوتـه كلـه من ابرار اللي دخلــت فحياتهـا بفتــره كـانت فيهـا موبوعيهــا لا الغلطــه غلطتهـا لمتـى بتحط اللوم على غيرهـا هــي كانت تدري أن اللي تسويــه غلط بس قلدت غيــرها وبسذاجتهـا المعتـاده صدقــت أن فارس صادق معهـا ومايبغــى الا انـه يسـاعدها كيف تصـورت فلحظــه أنه يبغـى مصلحتهـا على حد قوله وهــو هدفــه الانتقـام منهـا ومــن جنــى .... الحمـدالله اللي يسرلي نايف وأنقــذنــي من الوحش يارب استــر علي ولاتفضحنــي ... مأقــول الا الله ينتقــم منك يافارس .. أنا وش كان لي فهالطــريق كنت مرتاحــه مالي ولاعلــي واللحين رميــت نفسـي بمصيبــه مالهـا قرار ...
أكيــد فارس صدق مسجــل مكالمـاتي معــه وبيفضحنــي .. لما وصـلت وهج لهانقطــه ادخــلت فنوبـة بكــاء طويلــه وهي اليوم اللي مانكفت فيه دمعتهـا ..
--------------------------------------
فالخميــه كانـوا كلهـم جالسين ومسوين دائره حــول النـار وسامي وعادل يلعبـون بلاي ستيشن وهديـل جالسه عنـدهـم ...
سالي لجنـى اللي جالسـه بعـيد عـن النـار :تعالي بس تدفي مسويه فيهـا نعومـه خايفه على بشرتهــا ...
هـديل بلقـافه :اصلاً النعـومه بوادي وهي بوادي ...
جنــى بقهـر :وش دخلك انتي يالملقـوفه .. ولفت علـى سالي :وأنتي الثانيـه موكفايه علينـا البرد يسمـر الواحـد زياده نار تبغــيني اتفحــم ...
سالي :طيب اعصابك بكيفك تجمدي محلك ...
جنـى كانت بتكلم بس قاطعتهـا أم ناصــر :خـلـو عنكــم هالسوالف البطاليـه وانتي قالتهـا وهي تأشـر على سالي :وش سويتي بجهـازك ولاماتبغيــن تجهـزين ...
سالي بملل :اوهـوو علينـا يعنـي الواحـد مايرتاح لازم تذكـرونه ماأبي اجهـز ولااي شي من تخريفاتكــم ...
انا اللي بتزوج ولاأنتـي ..؟!!
أم ناصــر :كنت عارفـه أن هــذا ردك اشوى أني وصيت مرة سعــد تجهـزلك من لبنـان ...
سالي بصـرخه :وشوووووووو هـذا اللي كـان ناقصنــي اجهــز لياسـروه من لبنــان ..
جنـــى بضحكــه :طيب موعشـانه عشـان نفسك ...
سالي ناظـرتها بحقد:انتي مالك خــص ...وبعــدين رقيوه وش عنــدها بلبنان ...
جنــى بسخــريه :يعنــي وش عنــدها رايحــه شوبينق كالعاده وأكيـد ماخذه المترديه ونطيحـه معهـا ...
أم ناصـر بصرخـه :جنــى وش قلت الحيـاء هـذي فيه وحده تقول عن مرت خالها وبناتها هالكلام ..
جنـى بهمس:تكفين عاد الله والخال تخلخلت حنـوكـه ...
سالي بنفس درجـة الصوت :تكفين اسكتـي لاتقـوم علينا موناقصتهـا السالفه ...
جنــى لأمها:ايه صح يمـه خالي سعـود موراجــع ماصارت سفـره هذي ...
سالي بحمـاس :بعــدي والله أخـوي ذولي الناس اللي سيرتهـم ترد الروح ...
أم ناصـر بأستغـراب :ماشاءالله وش اللي غيــر رايك علـى حد خبـري أنك موراضيـه عليه ...
سالي اللي منقلب حالها من بعد الحلم اللي شافتـه :كان يستـاهل بس اللحيـن وعـدلت جلستهـا وبغرور : نزل العفــو الملكــي ...
ناصـر اللي واقف على باب الخيمـه : انتبهي لخشمك بس ليصقع السقف ...
وبعـد ماسلم وجلس مأعجبـه الموقف ان سالي تسكت وماترد عليـه فناظـرها بطرف عينـه :مأقول الا الله يعيـن ياســر عليك ..
برضــوا سالي مطنشتــه ...
ناصــر :سالي وين لسانك اكلته القطـوه على قولتهـم ...
سالي بمكــر:أقول هيـلا وش رايك بـ لبنـى بنت سعــد تصدقيـن بنت حلـوه وسنعـه تليق على ناصــر ..
أم ناصــر :أول مره تقـولين شي منـه فايـده ...

ناصــر بقهــر :سكـت دهـراً ونطق كفـراً ... ساليـوه عوذا بالله من شرك لاتفتحيـن علينـا ابـواب ..
سالي بعبط :افاااا ناصـر ماتبينـا نفرح فيـك بعــدين وش فيهـا بنت خالك ماتبيهـا .. ناصـر جاء بيرد عليها بس سالي ماعطته فرصـه وكملت باتهــام وكأن ناصر قال شي فعلاً: عيب عليك هــذي بنت خالك مايصلح اتكـلم عنها بهالطــريقه قل مابي اتزوج وخلاص ماله داعـي هالطريقـه ...
ناصــر بشهقه :اللحيــن وش قلت أنا عشـان كل هـذا وبعــدين انا البنت حتـى ماعرفهـا عشـان اتكلم عنهـا ...
سالي بالطريقه وكان كلامه صدمهـا :تبغـى تزوج وحـده متعرف عليها عيب
هالكــلام لاويقولهـا قدام اخوانه صغـار ...
ناصـر جاء بيردبس أمه سبقتــه ..
: وش هالكــلام ياناصـر معهـا حق سالي هـذا كلام تقــوله ..
ناصـر بقهـر :انا اللحين قلت شـي انتي ماتعرفين أختـك هـذي تحرف الكـلام على كيفهـا ...
سالي غمـزتلـه :طيب يافالح اشتـري راحتـك ولاتوقف بوجهـي لأنك موقـدي ...
ناصــر :حلو اتفقنـا كل واحـد ماله دخـل بالثانـي ...
سالي جت بتكلــم بس دق جوالهـا وطلعــت عشـان ترد عليـه ....
سالي وهي تمشي راجعـه للبيت:هلا عبـوره ..
عبيـر :اهلين حبيبتي اخبارك ...
سالي :تمـام وش عنـدك متصلـه غريبـه ..
عبيــر :وش سوي يألبي معجباتك صجــوني ..
سالي :وانا شكــوو ..
عبيـر :بالمختصـر المفيد مياده تبي رقمـك ...
سالي :وشو ماعاد الاهــي قولي لهـا مخطوبـه ..
عبيــر :ياحظـك اقول عن العباطـه وخلصيني اعطيهـا الرقم اولا ...
سالي :ياويلك لوعطيتيها رقمـي هذا بتخلصين منهـا عطيهـا رقمـي القديـم ..
عبيــر :أي واحــد اللي اخــره سبعـات ...
سالي :لاياحمــاره هـذا للحيـن عنـدي عطيهـا اللي أخـره 06 اللي أخذه ياسـر..
عبيـر :الرقم ذاك شغال للحيــن ...
سالي :ايه والظاهـر يسوري محـول المكالمات اللي تجي على الرقم ذاك لجـواله ...
عبيـر :يعنـي يسورك ذا بيرد عليهـا ...
سالي بالضحكــه :احسن خخخخخخخخخ ...
عبيــر :والله أنك موصاحيــه تجيبين لنفسك الشبهات ...
سالي :والله انا محـد يهمنـي وأحب اعيف الناس فينــي ..
عبيــر :خيبـه أنتـي مادري كيف انخطبتـي و بتزوجيــن ...
سالي :الله عاد والرجل تبغينــه ترى مايغلــى عليك ..
عبيــر بالضحكـه :ياعمري وفيه احد عقبك يبينــي أو حتـى يفكـر فينـي ...
سالي بغرور :ايه تعجبيني كذا لاتنسي تحفظي المقامات ...
عبيراللي انجرحت بكرامتها :يالله تامري على شي ..
سالي :لاسلامتك ياقلبي ...
عبير :متأكده اعطيهـا رقمك القد يم ...
سالي :اعتقـد كلامي واضح واذا هي لهدرجـه ماذيتك عطيهـا الرقم وريحي دماغك ...

-----------------------------------
دق جواله وهو غـرقان فشغــل كـان طالع بشاشة الجـوال ( اللزقـه ) يتصـل بك ... استغـرب معقـوله من اللزقـه هذا ..؟! مايذكر انه مسجل عنده احد بهالاسم ... زفـر بالراحه يوم وقف بس رجــع يدق اوووووووف وبعـدين معـه صدق انه لزقـه رفعــه وبدون مايتكلــم ...
وصــل صوت اللي على الطرف الثانـي كانت بنت : الو هـلا حبـي ...
ياســرانصدم وكان بيتكلم بس هـي سبقته ...
: الو وينك ياعمـري سالــي ..؟!!
ياســر بس سمــع الاســم قفل الخــط ... اوف راحت علـي هذا متصـل على رقم سالي .. آآه ياسـالي ...
لاياســر انتبـه ..!! حــرام عليك اللي تسويه بنفسك معذب روحـك بالتفكير فيها وهي ولاسأله عنـك.. الامتـى بتظـل علـى هالحــاله تحـب أنسـانه الجمـاد يحس اكثـر منهـا .. مافيــه أمــل لو واحـد بالميه انهـا تكن لك أي شعــور ولو تحقق هالامـل اكيد بيكــون شعورها لك الكره لاغيــر ... ليه هــي بالذات اللي أحبهـا ليه ياربي شفتها وتعلقت فيهـا ليتنــي ذاك اليوم مادخلت المجلس وشفتهـا ولا رحـت المزرعــه من اصــله .... تنهـد ياسـر بألم وبصوت مسموع لنفســه :وش بتنفعك ياليت اللحيــن أنت خلاص ضعــت ..!!

سمــع صوت جواله وتحلف بداخلــه للمتصــل اللي مووقتــه أبـد بس لام نفســه على تعجلــه يوم شاف المتصـل أبوه ....
ياســر :هلا يبه هلا طال عمــرك ...
أبراهيـم :هـلا ياسـر وينك ..
ياســر :فالشركـه ..
ابراهيــم :للحين فالشركه انت تدري الساعه كم اللحيـن ..
ياســر وهو ياخذ شماغه ويطلع من المكتب :خلاص يبه اللحيـن طالع بغيت شي ...
ابراهيـم :اكيد اجل وش ولـه متصــل تعال للبيت بسرعه ابغـى اكلمك بموضوع قبـل مأنام ...
ياســر :طيب اللحيـن جاي ربع ساعـه بس ..
ابراهيـم :بهـداوه عن السـرعه ..
---------------------------------------------

كانت جالسه على سريرها وتفكـر بالحـوار اللي دار اليوم بينهـا وبيــن فاتـن ...
صح أنها مارتاحـت لها بس ماهو ضروري ترتاح لها أهـم شي تكـون متفقـه معهـا ولهـم نفــس الهــدف تحطيــم حياة خالــد (-------)
تذكرت كل اللي دار بينـهم وكيـف فاتــن كانت حاقـده علــى خالـد اللي كـان مغرور بنفسـه ... اللي فهمتـه منهـا ان بداية علاقتها بخالد كان بسبب تحدي بنات لأن خالد ماتقـدر تطيحـه أي بنت وكـل علاقتـه مع البنـات لعـب وتضيـع وقت وفاتن هـي الثانيـه كانت مثـل طريقتـه تحب هاللعبـه بس ماتحب تعمق فيهـا ...
فبـدايـة الامـركانت تبغــى تلعب بخـالد وتطيــحه بشباكـه بس ماكانت قـد اللعبـه وخـالد هـو اللي لعـب عليهـا وكـان بيدمــر حيـاتها .......
كــل هذا مـو مهــم وفاتــن تستـاهل كـل اللي جاها وقليل بحقهـا بعــد هـي وأشكالـها هـم اللي غـررو بأختهـا البريئــه ودلوهـا علــى هالطــريق كـانوا يصـورون لهـا مغامـرتهم بريئه ويشوقـون لها التجـربه لين صار موقفهـا مع خالـد وهـم برضـو اللي الحـوا عليها لين تجـرأت وكلمتـه ... والادهـى والامــر أن خالد كان يلعب علــى الحبلين يكـلم رغـد وبالوقت نفسـه لـه علاقه مع فاتن اللي كانت تدري عـن علاقته مع رغد ...
هــزت رحاب راسهـا عشـان تبـعد هالافكـار عن دماغهــا مـووقتـه الحقـد على فاتــن فــي أمــور كثيره ماراح تقــدر تسويهـا بدون فاتــن ...
يكفــي أن فاتــن تدري كـل شي عن حيــاة خالـد وهـي اللي بتدلهـا علـى بنت عمــه اللي يحبهــا .. الله لايخلـي فينــي عضــو صاحــي اذا ماحــرقت قلبك ياخــالد , وجعــل نارجهنــم تحــرقنـي اذا مانتقمت لك يارغــد .....
--------------------------------------
نايف بيــد مجــروحــه وقلب ينــزف وصدمــة روح أخــذ طريق الرياض الدمـام فيــه جنـون أكبــر من كــذا مأعتـقـد ...
بعــد ساعــه علــى شاطــيء قريب مره من البحــر والمـوج يضرب برجولـه كان جالس وحاط راسـه على رجليـه يشكــي له همـــه ثلاث صدمــات بيـوم واحــد
حبــه وصـديقه وبنت خالـه كان بينغــدر فيهـا .. لو ماكن فتــح لاب توب فارس لوماشاف الصــورلو تأخـر شوي كـان الله وحـده العــالم بمصيــر وهـج وجنــى ...
حيـاتهم كان بتــدمـر وبسبب ميــن فارس .... لما تذكر كيف كان فارس يتكلــم فيـه عـن الملاك اللي شافهــا كان يتكلــم عــن جنــى ..ايه يانايف فارس شاف جنــى .. شاف حبيبتك ... وطـول الوقت اللي كـان يتـوعـد فيهـا ويشتكــي لك منهــا ويحـاول يبتزهـا كنت انت مشتـرك معـــه ,,, آآآآآآآآه ياجنــى ياحيـاتي كنت بدمــرك بنفســي كنت اتأمــر عليك ... بــس قالهـا بصـوت مخنــوق :والله ماكنــت ادري أنهـا أنتي كان تهــون علــي نفسـي اذبحهـا ولاأفكــر اذيك ....
وش اللي وصلنـي لهـالمـوقف غيــر فارس والله مايفكـه منـي غيــر الموت أنا تطعنــي بظهــري يافارس بتشــوف اذا حطيتك براسـي وش بسوي فيك ....
حــس بوجعــه يده يزيــد عليــه لو ماراح اللحيـن لاقـرب مستشفـى وعالجهــا
يمكــن تنزف لحـد المـوت ...
------------------------------------------

وصـل للبيت الساعـه عشـر فالليـل كان أبوه جالس مع بندر وريان وناصـر ولد عمــه وهـذا اللــي صدمه ناصــرمن متـى مادخـل بيتــهم يمكـن له أكثــر من عشــر سنـوات جلـس بعـد ماسلــم لاحظ ان سوالفهم عاديه يعنــي ماكان فيـه شي خاص يتكلــمون عنـه اجـل وش سـر هالاجتمــاع ..!!!
انتبـه على ناصـر يؤكــد علـى أبـوه زيـارة يـوم الخميس يعنــي الزيـاره ماهــي لله ...
ناصــر : لاتنسـى ياعــم ليلة الخميـس بيجون ظيوفنــا واتمنــى تكـون موجود مايصيـر نملك وعمهـا الكبيــر اللي بحسبة ابـوها غايب ولا وش قولك ياعمـي ...
أبـراهيـم : الله يسـوي اللي فيـه الخيــر ...
ناصـر وهو يقـوم واقـف :يالله أن استئــذان ...
ابراهيــم :وين تـو الناس تعشـى معنـا ...
ناصــر :لا والله ماقـدر مرتبط مع السلامـه ...
الكـل :مع السلامــه ...
اول ماطلــع ناصــر لحقــه ياســـر ...
ريان بتعليق :ايه مايقدر يستغنــي ...
بندرغمـزله يسكت ...
ابراهيــم باستغـراب :ليه مايقدر يستغنــي ...
ريان :هاه لااااا ولاشـي بس تذكـرت شــي مع السلامه ..وقام وطلــع ...
ابـراهيـم :وش فيـه ذا ماهوبصاحـي ...
بعـد عشـر دقايق رجع ياســر للمجلـس ...
ابراهيــم:وش فيك لحقت فيــه ...
ياســر :كنت ابغـاه من كم يوم و اللحيـن يوم شفته نسيت أقوله أن سعــود بيرجـع يوم الاربعـاء ..
أبوياســر :اهاا وانت وش سويت بحفلة زواجك حجزت القاعـه ...
ياسـر:ايه من اسبوعيـن حجزت ...
بنـدر :غريبـه ولقيت حجــز ..
ابوياسـر بتفاخـر:اكيد بيلقـى حجــز هــذا ياســر ولـد أبـراهيــم الـ ... ...
بنــدر بضحكــه :والنعــم ...
ياســر :الايبـه ماقلت وش كنت تبغــى فينــي ...
ابوياســر :ايه صـح زين أنك ذكـرتنــي بغيــت أخبـركم بمـأنه القابلــه رمضـان نبــي نجمــع العايله على الفطــور نبي نرجـع صلة الرحــم ...
ياســر بداخلــه :بعــد ايش يبــه بعــد ماقطعــتهـا بنفسك بتــرجع تحيهــا خلاص الناس قست قلوبهـا ....
ابراهيــم :ياســر يـ ياســر ...
ياســر بارتبـاك :هلايبـه ...
ابراهيــم :وش فيك ساعه اناديك وش قلت بتـروح لعمتـك ...
ياســرباستغـراب :عمتــي ليــه ..؟!
ابراهيــم :وأنا وش اقـولك من الصبح عمتــك زعــلانه ...
ياســر :زعــلانه من ايش وأنا وش دخلنــي ...
ابـراهيــم :لاوالله اللي مايدري وش أقول ...
ياســـر :.....
ابراهيــم :اللحيــن انت مأنت مالك بنفس يوم ملكــة بنت عمتـك اللي حاطــه الرجاء عليك أنك بتاخذها ...
ياســـر :رجعنـا على طيــر يلي بنت عمتــي ماكنت بأخذه ولاعمـري فكـرت فيهـا ... وبعــدين هذا هـي اخذهـا ولد عمهـا رجال ونعــم فيـه وخساره فيهـا بعــد ...
-----------------------------------------------
سالي كانت مع جنـى بغرفتهـا لأن وهـج كانت مقفله على نفسهـا الباب ونايمــه ...
سالي وهي نايمــه على السرير :اووووووف صكـي النـور بنـام ...
جنـى جالسه على الكمبيـوتر :ماتشـوفين مشغـوله ...
سالي :ياربيه طيب اشتغلــي احد قاضبك بس صكـي النور ....
جنـى :كيف اكتب وأنا ماشوف الكيبورد ...
سالي :اللحين بتعجـزك هذي اصلاً انتي تكتبيــن وأنتي مقفله عيـــونك يالله عاد ....
جنــى قامت تصك النور :الله يعنـي عليك انا مادري أي شيطان ركب وهج وقفلت الباب عنك ...
سالي :آآآه لاتذكـريني ترى الغصــه ذابحتنــي أنا سالي ينصك الباب عنــي ..
جنــى بأستهبــال :يالله تعيشين وتأكلــين غيـرها وعقبال مانشــوفك تشكيـن وياســر اللي صاك عنك الباب ...
سالـي بقهــر رمت بالمخـده :أنتي ياحمـاره وش قصدك بالكـلام اللي قلتيه ...
جنـــى :قصدي اللي فهمتيــه ... وسكت شوي :تدرين سالي شكلك يجنن وأنتي منحــرجـه : ههههههههههههههههههههههههههههههههههههههههههههه ههههه ههههههههههه ...
سالي سوت نفسهـا ماهمـها وهـي من داخـل مقهــوره من الافكــار اللي وصلت لها من كـلام جنــى:اوووووف بس ترى ازعجنــي صوت طباعتــك ..
جنــى :طيب خلاص بس عشر دقايق وخلــص وكملت بضحكــه :سوري خربت عليك الحــلم اللي كنت عايشتــه أنا اللي اعطيك الالهــام وأنا اللي أخــرب عليك صدق اني دفشــه ...
وقامت تركض لحمـام تتخبـى فيه لأن سالي قامــت بتظربهــا ...
سالي اللي كانت متسنــده علــى الباب :علـى بالك بهالطـريقه تهربين لاحبيبتـي انتي طيحتــي نفسك بفخ مافيـه امل تطلعيـن منــه ..
جنـى من ورى الباب :وش بتسوين يعني ..؟!
سالي :ولاشي بس بجلس هنـا لمين تطلعيـن وكـل ماتأخـرتي زادت العقوبه ..
جنــى :وول وليش كــل هذا عشــان تكلمت عن يسـور آسفه حبيبتــي ماكنت ادري أنك تغارين عليــه ولامافتحت فمــي ...
سالي :قالت اغيــر قالت علــى الاقــل انا موقفي واضــح من البدايــه مومثل بعض ناس ...
جنــى بشهقــه :من تقصديــن ..؟!
سالي :والله كـلامي واضح واللي على راسه بطحاء يحسس عليهــا ...
آآآآه وينك وهجــوه لهدرجــه القلب متعلق حتــى وأنتي نايمــه تفكــرين فيـه وتردديــن أسمــه ...
جنــى فتح الباب بقوه وطلعت : ياحمــاره يانكــرت الجميــل ..
سالي:هههههههههههههههههههههههههههههههههههههههه ههههه هههههههههههههههههههههههههههههههه ....
جنـــى وهي تضـربها على راسهـا بالمخـده عشـان تسكت :بس يارب اشـوف فيك يوم ياسالي يابنت صالح .....
سالي :وش فيك صايـره عجــوز تدعينــي علي ترى والله لافضحــك ....
جنــى :صدق أنك خاينــه هذا ماكان كلامك يوم قلت لك ســري ...
سالي :بعــد ايش اصلاً ماكان قدامك الاتقــولين لــي ولا تحسبينــي عبيطـه مثـل وهج بصدق أن نايف اللي تردديـن اسمــه الفنـان ...
جنــى صكت اذونهـا :بسسسسسسسسسس ياحمــاره انا اللي حظـي شين مانفضحت الاقدامــك ....
سالي :بس لاتجلسين تندبيـن حظك عنــدي عشـان ادعي ان نايف يتزوجـك ..
جنــى بقهــر :بسسسسسسسسس الله ياخذ أبليسك ...
سالي :ياربيـه لاتدعيــن على ابليســي مارضى عليــه بعــديــن أحمـدي ربك جالسـه ادعي لك بالمجـان ...
جنــى :مالت عليك مابيك تدعيــن لي اللي يسمعك يقول بالمـره دعواتك مستجـابه وأنتـي صلاة العصـر ماتصلينهـا الابعــد صلاة المغـرب ...
سالي :هييهه انتي لاطلعيــن علي اشاعات أنا مافيـه صلاه الا وصليها بالمسجـد حتـى جاني عرض يحطونـي أمام ...
جنـى :اللحيــن أنتي من صدقك بتلعبين علـي ياماما أنا جنــى مو وهـج تلعبيـن عليهـا اصلاً كيف يحطونك امام وأنتــي عمـرك اقل من ثلاثين سنـه ....

بعـــد اربع ساعات الساعـه ثلاث الفجــر
جنــى صحت علـى جوال سالي التنبيــه ....
جنـى انقهــرت يوم شافــت الساعـه للحيـن ثلاث وجلست تصحــي سالي ...
جنــى تهزها مع كتفهــا :سالي يالله قومــي ... سالي يالله عاد شوفي الساعــه كم وأنتي للحيـن نايمــه ... ساااالـي ...
سالي وهـي نايمــه :امممممم ....
جنـى هزتهـا بقــوه وصـرخت قريب من اذنهـا :سااااااااالـي ...
سالي فزت من نومهـا وتلفت حولهـا :وش فيــه ...
جنــى :قومـي يالله الوقت تأخـر امشـي ننزل تحــت ...
سالي تمطط :اووووه الوقت مـر بسرعـه ماشبعت نـوم كله منك مسهـرتنا ...
جنـى وهي كاتمـه ضحكتهــا :طيب روحـي غسلي وجهك عشـان ننزل تحـت ...
سالي نزلت من السرير بكسـل وعين مسكـرتها وعيـن فاتحتهـا ..
جنــى :وععععع لاتسوين كذا اكـرهك لاسويتـي الحـركه ذي ....
سالي طلعت من الحمـام وهي تجفف وجهـا : ياربي ودي ارجـع انام للحيـن فينـي نوم ...
جنــى تبـي تقهـرها لأن سالي اذا صحـت مستحيـل ترجـع تنـام:تدرين انه تو الناس والساعــه للحيـن ثلاث ...
سالي :وشووو طيب وراه مصحيتـن اللحيـن ...
جنـى بقهـر :والله مـوأنا اللي مصحيتك جوالك الزفت هـو اللي مصحينــي ...
سالي :يوه انا كنت ضابطتـه على ثلاث العصـر مو الفجـر ...
جنــى :عاد صحينـا اللحيـن يالله ننزل تحـت أكيـد الجـو روعــه ..
سالي جلسـت علـى السرير:لاموبفاضيـه لك انزلي لحالك أنا بحاول أنام ...
جنـى تجرهـا :يالله عاد بنروح نسوي لنا نسكافيـه ونجلس بالخيمــه ...

علــى باب الخيمـــه وقفـــن سالي وجنـى مصدومــات من الحــوار اللي دايـر داخــل الخيمـــه ..!!!!






نهايــة الجــــــزء

OoOالجزء السادس عشرOoO




(..أنا وياه ماندري هوينا بعضنـا وشـلون ..ومن شفته وأنا احبــه وفجأه صار يهـواني ...أذا ناظـرني بعيــونه بنســى كل مافــي الكــون واذا جانــي وقابلنــي أشــوف العالــم الثانـــي ...وفــي قلبــي هو الغالــي وفـي عينــي هـو المــزيــون وفــي فكــري هـو الهاجــس هـو القاصــي هــو الدانــي ...)

جُنى بصدمه ممزوجه بغباء لسالي:سمعتي الي سمعته ...؟؟
سالي تجريها بغباها:تصدقين للاسف لا ماسمعت،،وضربتها على كتفها بخشونه وكملت:اجل قالولك صمخاء ماسمع..؟!
جُنى بدفه وحده من سالي على كتفها اختل توزنها وطاحت على الارض...مع صرخه خفيفه..
سلطان:انا عندي يوم الخميس استلام بس تبدلت أنا وابوفهد لانه هو عنـــ ـ ـ ـ ،،قاطعه ناصر بستغراب:سمعت الصوت..؟؟!
سلطان لناصر الي واقف معه على باب الخيمه:يمكن صوت الريــح طيحت شـي ..
ناصر وهو يجول بنظره بالحديقه المظلمه:ممكن،،ولتف لسلطان :وانت بتجلس معي للأذان...؟؟!!
سلطــان :اجلــس وش وراي بــس بنجلــس برى الخيمــه شبة النــار أحلــى ...
جُنى وهي تسحب يد سالي عن فمها بصوت اعلى من العادي :ابعدي يدك ياحماره خنقتيني بموت..
سالي ويدها على فم جُنى من جديد بصوت واطي:اسكتــي ياهبلا
بتفضحينا...
جُنى بنفس درجة الصوت:طيب شيلي يدك عني أختنقت .. وحطت يدهـا على كتفهـا اخخخخخ مو يد مطـرقه ...
سالـي :مطـرقه مـرزبـه اللي هـي اللحيــن أمشــي قبـل مايطيـح علينـا ناصــر ....
جنــى :ياماما ويــن نروح ماتشــوفينهــم واقفيـن بالطــريق ...
سالي :مايبيلهـا ذكـاء نطلــع مع الباب الثانــي ونمشـي بالشـارع انلف علـى الفلـه ونخش مع الباب الخلفــي ...
جنــى :كفــك .. وخبطـت سالي على يدهـا بقوه ..والله جبتيهـا يابنت أبوك قسـم مأنتـي هينــه ...
سالـي تنفخ علـى يدهـا البارده :يالحيـوانه متعمــدتهـا ...
جنــى :أجل بخليهـا لك ... يالله امشــي ليشكنـا ناصــر ...
وطلعــن مع باب الشــارع وقفلــنه وراهــن ... (..علــى فكـره المــوقف هــذا صار مع وحــده من صحباتي وأختهـا مع اختـلاف بسيط بالاحـداث وراح أوضـح الاختــلاف بوقته ..)
جنــى اللي ماسكــه يد سالـي :ياءالله يدك قطعــت جليــد .. ويوم شافت سالي ماردت عليهــا سألتهـا :سالــي لاتكـوني ندمتـي على خطتــك ...
سالي بتردد :لاندمــت ولاشـي بس أنتــي اللي شكلك بتندميــن ...
جنــى بثقــه :مستحيــل أندم هـذي من احلــى مغامـراتي لأن أحد شاركنــي فيهــا ...
سالــي بأصـرار :صدقينـي بتندميــن ..
جنــى بمــلل :وليــه انشــاءالله ...
سالـي بلعت ريقهـا جاك المــوت ياتارك الصــلاه :بكـل بساطــه لأن مامعنـا مفتـاح للبـاب الخلفــي كيف ندخــل ...
جنــى بصرخــه :لااااااااااااااا حــرام ياربـي وش هالمصيبـه والله ناصــر يدفنـي بدون حتـى مايصلــي علـي حتــى ..
سالي بتطنيش :يالله عاد بدون مبالغــه ...
جنــى :مجنــونه انتي حتى لو ناصــر ماسوى فينـا شــي تصــوري الموقف اللي حنـا فيــه الساعــه اللحيــن على الكثيـر ثلاث وربــع وناصــر وصديقــه ماراح يطلـعون ليــن يقيــم الفجــر ...
سالي برود :عادي نجلــس لين يأذن كلهـا نص ساعه ...
جنــى :وش نص ساعتـــه الفجــر يأذن خمــس وربع وعلــى بال مايقيم تكــون الساعــه خمـس ونصف يعنــي تبينـا نجلس محجــوزيـن فالشـارع ساعتيــن كامــلات ...
سالي :ياءالله مــن متــى صار يأذن خمـس اذكـره على الكثيــر ثلاث ونـصف ..
جنـــى بقهــر :اللحيــن هذا اللي هامــك ..ماهمـك المصيبــه اللي طيحتينــا فيهــا ...
سالي :طيب عادي أمشـي ندق الجــرس وأكيــد كل فالبيت بيصحــون ...
جنــة :ايه صح وأولهــم ناصـر وصديقــه ...
سالي :لاتجلسيــن تقولين لــي وصديقــه وصــديقه قولــي سلطـان العاشق الولهــان ...
جنــى :اووف فاضيــه أنتــي لتعليقــات ...
سالــي :عادي وش وراي امشــي بس نجلس قريـب من الباب (الخلفــي )عشـان محـد يتنبـه لنــا ...( البنــت اللي صار لهـا المــوقف هـي وأختهــا أنحلـت مشكلتهـم يوم لقــوا سيارات واحـد من خـوانهــم مفتـوحـه وجلسوا فيهــا للفجــر ..)
وبعــد ماجلسـوا علــى الارض ...
جنــى يوم شافت درام الزباله تذكــرت شــي وقف شعـر راسهـا :سالي عمــال البلديــه يجـون مع صلاة الفجــر ياويلــي سالي حنـا صدق بمصيبـــه ...
سالــي بالتفكيــر بعد ماشافــت ان جنـى صدق خايفــه هي صـح ماهمهـا الموضـوع محد يقدر يقولهــا شي بس جنــى محد راحمهـا لأمهـا ولاناصــر ..وبعــدين فكـرة عمال البلــديه ذي اقلقتهـا :معـي جوال وش رايك احاول اتصـل على عادل يمكـن فاتح جواله ..
جنــى بيأس :مستحيــل اصلاً من بيفتح جواله هالوقت ومالقيتـي الا عادل الدب ..وش رايك نتصـل على ناصر وعادي سوينـا فينـا اللي يبــي بس يطلعنـا من هالورطــه ....
سالي :بس سلطـان معــه ...
جنــى :اذا كـان مايبغـى ينفضــح قدامــه يدبـر عمــره ...
سالــي طلعت جوالهــا :بدق عليــه وأمــري لله ... لامستحيــل مقفلـــه ..
جنــى :ياربــي وش هالحظ النحــس اصلاً قلتهـا من بيفتــح جواله هالوقت ...
سالي بابتسامــه خبيثه علــى الفكــره اللي طرت فبالهـا :أنا أعــرف واحــد اقص ذراعـي من الكتف لوماكان فاتح جوالـــه وهالوقت ...
جنــى باستغــراب :ميـــن ..؟!!
سالــي :بس ياهـل ترى بتقبليــن انه يساعـدنــا ...
جنـــى :لاتقــولين اللي في بالــي ( اللي في بالي ولا علــى بالــه ) ..!!!
سالــي بابتسـامه عريضــه :ومن اللي في بالك ...
جنـــى وهي تقلد صوت سالي :يسوري .. خبله انتي بتفضحينــا وش فرقـه عن سلطــان ...
سالي :ياغبيــه ياســر الغبــي اللي أنتـي طالعــه عليه ولد أمــه نقدر نفهــمه الموضوع اما سلطـان وهجــوه فبيفهــم الموضوع على كيفــه ...
... ومدت الجوال لجنــى ...
جنــى بغبـاء تناظــر للجـوال :لاتكونيـن تبينـي ادق عليــه ...
سالي :اجـل وش مفتكـره انا اتصـل عليــه ... لاعيــوني انتي اللي محتـاجــه أنا ولاهمنــي الموضوع ...
جنــى وهي شوي وتبكــي :سالي الله يخليك عــن حركات النذاله ابوس يدك اتصـلي عليه وخلصينــا ...
سالي وهــي تناظــر ليدها المتجمـده من البرد :اصلاً أنتـي تبينهـا من الله تبوسين يدي اللي من حـلاتهـا ولا اسكـريم ..
جنــى :والله يدك احلــى من التوفي بعــد بس اتصلي عليــه ..
سالي وهي تدق رقمــه:باتصــل بس اخاف يكــون جواله مقفــول واقص يدي ...
جنـــى :اخاف مايعـرف رقمـك هذا لانــه جديد ومايرد عليك ...
سالي اللي تسمــع الجوال بدأ يدق بالطـرف الثانـي :بالعكـس لودرى انــه أنا يمكـن مايرد ...
جنـى جت بترد عليها بــس سمعت سالي تقـول :يمـه سكنــي وش مسهـرك لهالوقت .. لاخيـال سالــي ... هــي أنت لاتحـسب نفســك للحيـن نايم وتحلم حبيبتـي وحبيبتـي حبتك القــراده ...

عنــدياســر اللي كـان يتــابع فلــم بعــد مجافاه النــوم سمــع جواله يدق ومارد عليــه .. وللحيــن وهو يسمــع صـوت سالـي علــى الطرف الثانــي مايدري كيف يده انمـدت للجـوال وردت وكـأنه مسيــر لامخيــر ..
حــس نفســه بحلــم وخصــوصاً مع عنصــر المفـاجئــه صار يخبــط ولا واحــد عاقــل يقــول لهــذي حبيبتــي .. وعشــان يرقــع قال :لتغصيــن من الفـرحه ماكنت اقصــدك حسبتك شخــص ثانــي ...
سالـــي بلهجـة الواثق :حلــوه منـك كيف تحسبنــي شخــص ثانـي وأنت فالبدايــه قلت سالــي ... لووووووول والله اسمــي حلـو بلسانــي ...
ياســـر بكســل:درينــا أن اسمــك حلو وش تبيــن ...
سالـــي بأستهبـال:مابـــي شي ملانــه قلت اتصــل فيك اتسلــى ...
جنــى بصوت عالي شوي :حنا محجوزيــن فالشارع فالبــرد وأنتي جالســه تستخفيـن دمك اخلصـي علينــا قولي المشكلـه لرجـل المهمـات الصعبــه .. ( الله يعينــك ياســر طحت بلسـان سالي وجنــى )
ياســـر بالصدمـــه :انتــوا ويــن ..؟!!
سالـــي تكلمــت بسـرعه :بالشارع تعـال بسرعه من عنــد الباب الخلفــي .. وقفلــت الخط ...
ياســر جلس يناظــر بجواله مصدوم وعينــه على الساعــه اللي كانت ثلاث ونصف ...
بسرعــه لبس جكيــت على ملابســه ونزل يركــض ...
وهــو نازل شاف بالصاله اللي تحـت بسمــه جالسـه تطالع فلــم ...
بسمــه يوم سمــعت صوت أحد ينزل مع الدرج قصـرت الصوت وطالعــت في اللي ينــزل اللي ماكان واضــح الاهيئتــه بالظلام خافت يكــون أبوهــا ...
ياســر :للحيــن صاحيــه ليــه مانمتــي ...
بسمــه وهي تشرب من الكوب اللي معهــا :لا اصلاً تونــي صاحيــه ..وبتـردد سألتــه وعينهـا على مفتاح سيارتــه :ويـن بترح ..؟!!
ياســـر كان بيطلــع بدون مايرد عليهــا بس لما وصـل لباب الصـاله رجــع وقالهـا :بســرعه البســي عبـاتك وتعالــي معــي ...
بسمــه من الصدمــه طاح الكـوب من يدهــا :هالــوقـت .. وويــن ... ؟!!
ياســر بصـرخه: تعالــي بدون أي ســؤال ..؟!!
طــول الوقت فالسيــاره وهــم ساكتيــن بسمــه بتمــوت تعـرف وين رايحيــن ..... وياســر لام نفســه لوكان مقلب وش بيكــون موقفــه قدام اختــه ... كــان كلــه أمــل انه يكــون مقلب ولايكــون صدق لوكـان صدق كيــف..؟!! ماهو بداخـل عقلــه الموقف ...
بسمــه شافت ياســر يدخــل شارع فرعــي وسط حاره ... وبدأ يدخــل بشوارع ليــن وقف بمكــان مظلــم وفتح الباب بينزل ....
بسمـــه بخــوف : وين بتنزل وتتركنــي ...
ياســر: لحظــه بس وجــاي ... شوفينــي بروح للبيت هـذا ... وأشــر على البيت اللي ماكان عنــده أي اثــر لسالي
يعنـي صدق مقلب ...!! مشــى ليــن وقف عنــد الباب اللي قالت له عليــه ... سمــع صوتهـا وكان مبحــوح لأن البـرد دخلهـا: كــل هذا عشـان تجــي حشــى طالبتك من امريكــا ...
ياســر لف عليهــا بسرعــه كانت واقفــه وراهـا وحده أطـول منهـا وصاده على الجهـه الثانيــه ومتلثمــه بشال وعـلى راسهـا طربوش جيكتهـا:يعنــي صدق .. وصـرخ عليهــم بقلة صبــر :انتــوا شتســوون هنــا ..
سالي ويدهـا على خصـرها :بتجلس تحاسبنـا هنــا وين سيارتــك تجمـدنا من البرد ....
ياســـر بدون أي كلمــه مشـى لسيارتــه صــح مـوهــذا المكــان المنــاسب لأنــه اذا فقد اعصـابه بيجلس يصـرخ والنـاس بتلتـم عليهــم ...
بسمــه كانت ترتجف مكـانها من الخــوف الدنيـا ظلام وزياده بخـار البــرد .... شافت ياســر جاي يمشــي وراه شخصيــن .. انهبلت وش قاعـد يصيــر ....
فتح ياســر الباب وجلس مكــانه وبعــده ركبـوا سالي وجنـى كل وحــده من جهـــه ...
بسمــه بالصــدمـه لياســـر :مــن ذولــــي ..؟!!
سالــي اللي تفاجئت : يـووه أنتــي هنا ياروح أمــك ...
بسمـــه :سالــي ..!!!
سالــي باستهبــال :سبرايز صــح لو أنك متمنيــه مليون ماكان أحســن لك ....
جنـى :ههههههههههههههههههههههههههههههههههههههههههههه ه
ههههههههههههههههههههههههههههههههههههههههههههه هه .....
بسمــه :جنـــى ...
سالــي :يوه لو متمنيــه مليونيــن مو احسن لك منــي ومن جنـــى ...
بسمـــه :وين عبايتكــم ...
سالــي :تطــورنا ماعاد نلبس عبايات..
بسمـــه :بلا أستهبــال ...
سالــي :ومــن انتـي عشان استهبـل معك لاتصـدقين عمـرك ...
جنــى وهـي تضحك :خـلاص سالــي كفــايه ارحميــها ...
ياســر كان جالس يسمـع المهــزله اللي قاعــده تصيـر وساكــت بيشوف اخـرتها معهــم ...



التوقيع

بسمـــه :ويــه سالــي هذي وحــده من حركاتك عشــان تشوفيــن أخــوي ؟؟!!
ياســـر مـات قهــر كان وده يقــوم ويزنط أختــه على كلمتهــا اللي بنتقلب عليـــه ... وسالــي كأنهـا ماصدقـت ...
سالــي :عشتــو مالقيت الا اشتاق لأخــوك تهــون علــي روحــي وأشتـاق لعزرائيــل وماشتاق لــه ...

ياســـر بصـوت عالــي :سالي بسمـــه وبعــدين معكــم ...
سالــي :تصــرخ علــى أختــك حلــو.. بـس أنا ماتـرفع صوتك علـــي ...
ياســر:اللهـم طـولك ياروح اللحيـن بسمــه وش سولتك ...
سـالـي :ومالازم تقــول شــي يكفــي أنها متضـايقــه منـا ...
ياســـر :ومـو بـس هـي اللي متضـايقــه منكــم ...
سالــي بصدمــه :وش افهــم من هاذي طــرده ..طيب ولايكــون خاطرك الا طيب ,, والتفتت علـى جنى :جنــى حبيبتــي احـلمــي انــزل من عالسياره اليــوم والله الجلسـه فيهـا مريحــه ..
جنـى بأستغـراب توقعت سالـي تحمق وتنــزل بس صدمتهـا بكـلامها :كيف يعنـــي ..؟؟!!
سالــي :يعنـي ياقلبــي أنا مو اللي اذا انطــردت أطلــع لاااااااااااااااا ..أنـا وجهــي مغســول بمــرق بجلس بسيارتك وعلــى قلبك ... وطالعت بياســر اللي يطالعها بالمـرايــه ويدري أن الكــلام موجــه له وده لو صدق تنفذ كــلامها .. بس سالي صدمتــه يوم كمـلت كـلامهـا وقالت :عطينــي جاكيتك جنـــي ...
ياســـر بقلبــه :تحلميــن ماتبيــن صاحب الجاكيــت اجــل تحــرم عليــك هــي ..........
ياســـر طنــش طلبهــا وفتح المكيـف على الحار ...
سالـــي بصرخــه :بتذبحنــا أنت أنا وجنــى كلنـا عندنا ربــو ...
ياســر قفلــه وبرود قال :اللحيــن أتوقع جاء الوقت اللي فيــه تفسرون لــي وجــودكـم هالوقت وبهالمكــان ...
سالــي رجعت راسهـا على ورى وعينهـا بعينــه فالمــرايــه :كنا طالعيــن نتمشــى فيهـا شي ...

(..حظ عينــي لوتشوفك كل يــوم حظها وانت ناظــرها بضيـا نام فيهـا نام وأنعــس لاتـقوم بالسعــاده ياتباشيـر الحيـا .. أنت ياللي لك أنا عمــري أســوم وأرخص الغـالي بلازيف وريـا والبقـايا مالــهم عنــدي لزوم ...)

ياســـر:سالــي ...
سالــي :طيب كنـا طالعيــن ندور فقــع ..
ياســر بقهــر :امــزح معـك أنا ...
سالــي :حتـى هذا مامـر عليك طيب بيتنــا أحتــرق ...
ياســـر :جربــي غيـرها ...
سالـي :طيب وش رايك بهــذي علــى قولت بسمــوووه مشتاقيـن لك وسوينــا هالحـركه ...
ياســـر :وبعــدين يعنـــي ... وبصــرخه هـزت السياره :اصطلبــي وقولي وش مطلعـك من هالبيت بهالوقت يامحتــرمه ....
سالي قربت نفسهــا لقدام لين صارت ورى مقعده علــى طول :ودام هــذي أخــلاقي وش تبــي فينــي بشوه سمعتــك ..
ياســـر بقهــر :اذبحك قبل ماتسوينهــا ...
سالــي :ياحظ أمك فيك ياسفــاح ...
ياســـر :واخرتهـا معطك أنتــي صدقينــي مو من مصلحتــك لأنك مأنتــي نازلـه من السياره ليـن تكلميــن ...
سالي :وأنا وش قاعــده اسوي من الصبح .. وكملــت وهي تصـرخ بأستهبـال :بسوووم لايكــون أخوك اصمــخ ودوه المستشفـى افحصــوه ...
ياســر بقهــر لجنــى يوم سأس أن سالي تعلمــه :وش كنتـوا تســون برى ...
جنــى صدق كانت خايفه من ياســر اللي كان يصرخ علــى سالي بقــوه بس سالي كانت تستهبــل وبرود تـرد ..
فعلمــت السالفــه من البدايــه وطبعــاً سالي ماقصـرت بتعليقاتهــا ...
ياســـر :وهذا سبب يسمح لكــم أنكم تطلعــون ولا الاستهتـار صار يجــري بدمكــم ...
سالي بشهقــه :أجل تبغانا نطلــع قدام سلطــان بهالشكـل أذا كنت انت ترضاها علــي أنا مارضاها على نفســي ..
بسمــه :وخـري يالمطــوعه أنتي لوبيدك طلعتـي سافــره ...
سالــي بخبث :بســوم أسمعـي هالنصيـحه منـي اللي بيتــه من زجـاج لايـرمي النـاس بحجــاره زيــن حبــي ...
بسمـــه انقلب وجهـا الف لــــون أخــرشــي توقعتــه هالرد مــن سالــي والله أنهــا حيــة رمــل وش درهـا بسوالفنـا وهي عــلامة استفهــام محــديقدر يفهمهـا ولايمسـك عليهـا شــي ....
ومــرت فتــره الكــل فيهــا ساكــت وقطــع صمتــهم صــوت المـؤذن ياســـر ارتــاح وحــس بأن الفــرج قــرب مايقدر يستحمــل تواجدهـا معــه بنفــس المكــان ولاماكـان ضيق زي كــذا وصــوت انفـاسها الثقيلـه بسبب البرد اللي دخلـها مدوخــه ... يحــس فيــه شي مســك شعــره لأكيــد هــو يحلــم مستحيــل تكـون هــي بــس للأسف كـانت هــي والامــر والادهـى أنها ماكانت حاسه بنفسهـا سرحـانه ومسكـت شعــره لأنــه مميـل راســه علــى ورى وهــي مقــدمـه يدها على مقعــده وشكـلها بـدون ماتــردي بــدت تلعـب بشعــره ... فكــر يســوي فيهــا حركـه نذلــه تقهــرهــا وهــي أكيــد ماراح تقــدر تكــلم والبنات كـل وحــده ســرحانــه وزياده النــور مطفــى والجــو داخل السياره ظلمــا .. .. مســك يدهـا اللي ماسكــه شعــره و ........................................
-------------------------------------
طلــع ناصــر كعـادتــه هالـوقت لمسجــد بيصلــي الفجـــر وكـان معــه سلطــان وبعــد خمس دقايق طلــع عادل وسامــي وتـركـوا الباب مفتــوح وراهـــم عشـان لونســى واحد منهــم مفتاحـه مايتوهق ...أول ماشـافتهــم سالــي طلعــوا نزلت من السياره ولا أهتــمت بأحــد... الوقح الحقيــر أنا يســوي فينــي كــذا هيــن يشـوف دخلــت وكانت بتسكــر الباب وراها بس جنــى الحقت عليهــا ..
جنــى :غبيــه انتــي كنتـي بتصكيــن علــي ...
بــس سالي ماردت عليهـا ودخلـت للبيت وعلــى طول راحـت لغرفت أختهــا ...
جنــى :الغبيــه هذي وش بتســوي لاتكــون بتخبــر أمــي ...
وجلــس تضرب وجهـا بيدينهـا وتردد غبيــه غبيـه
وهــج اللي كانت جالســه بالظــلام وجنـى ولاحتــي سالي أنتبهــوا لهـا :من الغبيــه ...
جنــى :بالشهقــه يمـل الماحــي وش تسـوين هنـا هبلتـي بـي الله يروعــك يالسكنيــه وراحت تفتح الانـوار: أحـد يجلس بظــلام ..
وهــج برود :ويــن كنتــوا ...؟!!
جنــى بداخلهـا :والله الورطــه هذي وش اقولهـا اللحيـــن ...؟!!!
دخلــت سالي غــرفة أختهـا وشافتهـا تصــلي ...
جلسـت على سـريرهـا تنتظـرها تخلــص صــلاه ...
بس سـرحت بأفكــارها وتخطيطاتهـا الجديده ومأنتبهــت على اختهـا اللي خلصت صـلاه وجلــست تطالعهـا بأستغراب ..
ام ناصــر :غريـبه سالي صاحيــه هالوقت ..
سالــي :اصلاً مانــمت ...
أم ناصــر :خير ان شـاءالله مريضــه تحسيــن بشــي ..
سالــي :لا بــس كنت أفكــر أني بتزوج بعــد شهـر وكم أسبــوع وحسيت أنـــي مقصـلاه بحق أمــي فقـلت ليــه ماروح وجلس عنــدها بالرمضـان لمـين قبـل العيــد اجــي ...
أم ناصــر :الله يصلحـك وأنا أختك زيـن انك بديتـي تحسـين بأمــك بــس دراستــك ..
سالــي بفـرحه لأن أختهــا ماشكـت فيهـا :أبوقف هالتــرم ...
أم ناصـر بشك : بس أخا تندميــن بعــدين
سالي : لاوش دعـوى ولــيه أندم دام هــذا قراراي .... وقـامت بتطلــع :عن اذنك بروح أتجهــز للجـامعـه ...
كــانت سـالي بتــروح تدخــل غـرفـة جنــى بـس شافت غـرفتـها وغرفــة مفتــوحــه ..دخلــت وشافت وهــج واقفــه عنــد التسـريحــه وتطـالع بوجهــا المتــورم .. سالــي انـصدمـت من شكـلها :وهـج عمـري وش فيــه وجهـك كـذا ...
وهــج :أول ماسمــعت صــوت سالـي حست بالامـان بعــد الغـربه اللي عاشتهـا ليلـه كاملــه لحالهـا ركضت لسالــي ورمت نفسهـا بحضنهــا ... سالــي بخــوف وهـي تحضن وهــج وتقـربها منهـا زياده:وهــج ياعمــري وش فيــك ياروحــي تكلمـي ليــه البكــى ...
-----------------------------

كانــت تمشــي متوجــه لهـا وماتشــوف غيــرها كـل اللي بنيتهــا شـي واحــد بتذبحهـا وتشرب مــن دمهــا مأنتبهــت علــى أحــد من اللي يناديهـا ولاحتـي لـ بسمــه اللي أول ماشفتهـا دخلـت راحــت بتكلــمهـا بس هــي وخـرتها عن طريقهـا ..وصلت لطـاوله المطــلوبــه ورمــت كل اللي عليهـا علــى الارض البنات اللي عليهـا تجمــدوا
وكــل اللي حـولهـم يراقبـونها ... وخذت كــولا كان علــى الطـاولـه اللي جنبــهم
وغســلت فيــه وجهــا ومــلابسهـا ...
ابــرار :ياحيــوانـه يابنت ...
سالــي سطـرتها كف :انتــي الحيــوانـه وبـنت الحــ..........
وجـرتهـا مع طـرف بلـوزتهـا لين وقفتهــا وهـزتهـا بكــل قوتـها وبصــوت قصيــر عشـان مايسمعوهـا النـاس اللي متجمعــه حـولهــم :شوفــي يابنـت الكــ ... قســم بالله أن شفتك مقــربه من وهــج والله لدفنـك وأنتـي حيــه وأظــن تعرفيــني وتعـرفيــن وهــج ميــن وأهلـها ميــن والا انسمعــت أنك متكلــمـه عن اللي بينك وبينهـا...
ابــرار :وهــي تحاول أنهــا تحـرر نفسهـا منهـا بـس مو قارده وبصـوت بنفس درجـة صوت سالي :وش بتســوين يعنــي أعلــى مابخيلك اركبيــه واذا أنـا تركتهـا صدقينــي فارس ماراح يتركهـا وهــي اللي جابتــه لنفسهـا وتستاهــل اللي يجيهـا ...
سالــي فر دمهـا من كـلامهـا عـن وهــج فزتهـا بقــوه وطيحتهـا علــى البنت اللي وراهـا ..وكـانت بتكمــل عليهـا بس جنـى وبسمــه اللي كـانوا يراقبــون المـوقف مـسكـوها ...
سالي وهـي تحـاول تفك نفسهـا منهــم :فكــوني خلــوني اوري الزياله هذي قدرهـا ...
جنــى :خلاص سالي تركيهــا ...
بسمــه :الله يلعنــ .. أمشـي فضحتينــا ..
بــس سالي (العـربجيــه ) ماعانده والا بتضــربها ....
بــس قاطــع المــوقف صـرخـت فــاتن اللي كانت تشـاهــد المــوقف من بعــيد :ايا النـذله يالحقيــره .. وكســرت جـوال كانت ماسكتــه بيدها أخـذته من بنت ..وقالت لسالــي :تصورك يالخبــله ...يافــرحت ياســر فيــك ..
سالــي بقهــر :وأنتــي هذا أكبــر همـك ياســـر ..
ولأبــرار قالت :تحذيـر وحذرتــك وضــرب وضربتــك بــس أن تعــديتـي حدود راســك مايكفينــي وطلعــت من المكــان بكــل هدوء بعــد الزوبعــه اللي سوتهــا ...


البنت اللي كانت تصــور لصاحبتهــا :الله يلعنـ ... مأدري كيف انتبهت لـــي ...
صاحبتهــا :زيــن كســرت الجـوال ماكســرت راســك بعــد ...
البـنت :كنت أحسبهــم يكــرهون بعــض ...
صاحبتهــا :حتــى لوكانوا يكــرهون بعــض بيظلون أهـــل تبغينهـا تشوفك تصورين قريبتهـا وتسكـت ....
البنت بحســره :والله بيكــون بلــوتوث شــي مضاربـة نــواعــم ...
صاحبتهــا :ان شاءالله الجـايات أكثــر واحلــى ....


بسمــه بحقــد لسالــي :زين اللي سويتيــه أنتــي بتسـودين وجــه أخـوي ...
سالي لجنــى وعبيــر :مشــوا هذي من قدامــي لكمــل فيهـا اللي بديتــه بأابرارواه ...
جنــى باستخفاف فبسمــه :هي أنتـي ترى صجتينـا بأخـواك اللي يسمعـك يقـول ناصــر بن محمــد علـى غفلــه ...


صحـت وهـي تحس بصــداع فظيــع ونــزلت من الــسريـر وتجهــت للحمــام وهــي تسحــب رجـولهـا سحــب،،وقفـت قدم المرايه وهي تجفف وجها بالمنشفه،،الي شافته بالمرايه صدمها خدودها منفخه وعونها ذبلانه ومحمره..رمت المنشفه وتجهت للباب الي شوي ويتكسر من اطق..
سالي بأسهتبــال يوم شافت وجـه وهج للحيـن تعبان:يمممممه بسم الله وهج شفيه وجهك متظاربه!!!!!!!!!!!!(الله يهديك ياسالي هذا وقته)
وهج رجعت لسريرهاوجلست عليه وماردت عليها..
سالي صكت الباب ورحت لوهج وتربعت عندها على اسرير..
سالي وهي تهز وهج مع كتفها:يالله عـاد وهـجوه فليهــا ...
وهــج بارتجافه :سالــي أحس روحــي بتطلــع منــي خايفــه ...
سالــي بحنــان :وهــج ثقــي فينــي والا أنتــي ماعاد تثقيــن فينــي وصـرتـي تفضلـين علــي ناس تافهـه مثــل ابــرار ...
وهــج بألم :سالي رحمينــي والله اللي فينـي كافينــي ...
سالي بتفكيــر :يانــي عطيتهــا كف يحبــه قلبك ...
وهــج تضحـك من بيــن دموعهــا :من قال أنـي أحـب انضــرب ...
سالــي بهالحضــه طرى علــى بالهـا شي كانت ناسيتــه وكيــف جنـى ماذكـرتهـا فيــه معقــوله نست اللي سمعته مثلهــا ..!!!!

OoOالجزء السادس عشرOoO
..الفصــل الــثانــي ..


(... من يقــول أنـي لغيــرك .. انا لك مانــي لغيــرك.. أنا متعلق مصيــري ..ياحبيبــي في مصيــرك ..أنت أكبــر من هــم ومأصدق حكيهــم .. زيدنــي حب وغــرام ..يالله اضحك غيظهـــم ...)
..الخميـــس 29 \8 ملكـــة سلطــان و وهـــج ...
فغــرفة البنــات كانــوا سالــي و وهـج وجنــى .. جنـى كانت تحــاول تصفــي النفــوس بعــد الخصـام اللي صـار بينهــم بعــد مارفضـت وهــج تحريضـات سالــي اللي حثتهــا تخـرب علــى أهلهــا اللي مأخذوا رأيهــا وكـانا فزمــن الجـاهليــه لاكـن وهـج بصدمتهــا الأخيـره ماكان عنــدها أي قــدره أنهــا توقف بوجـه أحد واصــلاً هـي بطبيعتهــا كانت بتـستلــم وبترضــخ للواقــع ...أجــل كيف وهــي واقعــه بمصيبــه وبحالتهــا ذي وزواجهـا يمكــن يشـربكهـا زياده لأنهــا بتخــدع انســان بريء ...
جنــى :يالله عـاد ســالي ارضـي بالــواقــع وباركـي لـوهج حــرام تبــدون الشهــر الكـريم بخناقه ...
سالي :بليز جنــى طلعي منها ماهي ناقصتك ... وانتــي .. وجهـت كلامهــا لوهج :بيجيــك اليوم اللي بتنــدميـن فيــه عــلى تفريطك بحقك اللي سمح لك فيــه الشــرع الــرأي ...
جنــى بسخـريه :اشـوف أنتـي اخذوا رايك ..
وهج بقهـر :لاتشبينهــا أنتــي ..
سالي :لاخليهــا اصلاً هـي خاربــه خاربــه .. بس لعلمك يابنت أختـي المحتــرمه أنا لو اخذوا رايي يوم زوجــوني ماكنت علـى ذمة ولد عمــك .. وأنشــوف اذا بيأخذونك رايك لزوجوك أنتــي أخاف بعــد لايدخلــونه عليك وانتــي ماتدريــن مو صايـرين نرجـع لأيام الجهــل ...
وهــج بضحكــه :سالـــي ...
جنــى بقهـر :يعنــي قلبـتوا علــي ..
وفجــأه دخلــت عليهم هــديـل وهــي تصــرخ :الحقــواااااااااااااااااااااااااااااااااا ععععععععععععععععععععلـي ....
كلــهم قفـزوا وراحــو لهــا ... سالي وهــي تهـزها :وش فيك احــد صار لــه شي ...
هــديل وهــي تأخـذ أنفاسهــا :بكـ ,,,,ــره رمضــ ــان ...
سالي زفتهــا بقهــر :وهـذا أخرتهــا ...
جنــى وهـي تعض علـى السانهـا بقهـر ودهــا تضربهـا :انقلعــي عن وجهـي لأرتبك فيك الجـريمــه ...
هــديل طالعت فيهـا بخـوف وحطت رجلهـا وهـربت ...
وهــج وهي ترجع تجلس بمكــانهـا :حـرام عليكم روعتوها هـذا ذنبهـا جايه تبشركــم ..
جنــى :قلتيهــا تبشـرنا مو تروعنــا,, وجلست علـى الكمبيـوتر ...
سالـي :يعنــي ناقص والله القنـاه هذي منافقــه أولى يقـولن بيكمـل ..
وهــج :وأنتــي مصدقتهــم لاتثقيــن الا بالتلفزيون السعــودي ...
سالــي :ليش وش قالولك بسمــع كلامهــم بس صدق يقهــرون وش قصدهــم بالحـركه ذي ...
سالــي دق جوالهـا طالعت بالرقم ...
جنــى :مـين ..؟! .. وش بك ماتـرديـن ...
سالــي :البيــت معقــوله من يدق ...
جنــى بخبث :لاتــكون أمــي يمكـن ناصـر غيـر رايـه وافق سلطـان يشـوف وهـج ..
وهــج وجهـا انقلب لونه :لا ان شاءالله ...
سالــي :وش السالفه دقه وحـده وقطــع .. بعـدين لو امك دقت من جوالهـا هذي اكيــد هـديــل ...
وفجــأه سمعــوا صوت طلق نــار ...
صــرخوا بصــوت واحــد :يمـمممممممممممممممممممممممممممممممممممممممممم مممم ه ..
وبعــد ماتوقــف ...
سالــي :وش القصــه هذا جاي من قدام البيت بروح اطــل مع بلكـونة الصـاله ..
جنـى بخــوف :ياويلك ياوهــج ملكتــك فيهـا هوشــه ..
جنــى قالت بحســن نيــه وماوقعتهـا بيكــون لهـا هالتأثيــر بوهـج اللي جلســت بمكــانها ووجهــا باهــت ...
جنــى لحقت بسالـي اللي كانت مقفلــه أنوار الصـاله كلهــا وتفتــح باب البلكــونه ...
سالــي لاتطلعـين صـوت مسويــن هيصــه فالحــوش وطلعن بهــدوء لين صـاران فالمــوقف ورجــع طلق النــار ...
سالــي :من اللي يطلق النـار هــذا ... واشــرت علــى ناصــر اللي كـان يأخــذ الســلاح من الرجـال ...
جنــى :شوفـي سلطــان كاشخ أحلــى ياعـريس ..
سالــي :ايه خليــه يفــرح من قــده .. بس ناصـر شكلــه معصب بس أمــوت واعــرف من اللي يرمـي هـذا ...
جنــى :يمكــن واحــد من اخـوان سلطـان فرحـان أخوه العانس تـزوج ....
سالــي بضحكــه :حلـوه العـانس بس لاتكــررينهــا ...
جنــى بصـرخه صغيـره :شوفي من دخــل ...
سالي وهي تدور بعيـونها :ويـن كثيــر مأشوفهــم ...
جنــى :شوفيــه اللي اخــذ السـلاح من ناصــر ...
سالــي :خيبــه يســور ...
وصكــن اذانيــهن يوم بــدا يطلق النــار ويدور فيــه بالهــوء بشكــل غيــر طبيعــي ...
سالــي بسذاجـه:مجنــون هــذا لايكــون انتبــه علينـا ويبغـى يذبحنــي ...
جنــى :سعــود خالــي سعــود وهـزت سالي اللي كانت صاكـه اذانيهـا بيديهــا ...
وقف طلق النـار وصوت ضحــك ياســر والشباب واصلهــم ....
سالــي كانت طالعــه بسعــود وعيونهـا مليـانه بدمــوع الفــرح ...
سعــود بصـراخ فوق اصـوات الترحــيب:بدوو متــى بتتركــون عنكــم هالحــركه ...
وبعــد السلمــات أختفت اصـواتهـم لأنـهم دخلـوا فالمجلس ومابقــى غيـر سعـود وياســر ...
سالــي بعــد مافقت من صدمتهــا صـرخت :سعــوددددددددد ...
سعــودسمــع الصوت ورفــع راســه فوق بس مانتبــه لشي...
ياســر بأستهــزاء :روح لأختــك لتطب علــى الرياجيـل فالمجلــس ...
سعــود :لا مانـي برايح خلهـا تدخـل على الرياجيـل عادي أنا أخوها وسامح لهـا ...
ياســر عصب من كـلامــه ودفـه ليـن دخـله مع باب الفلــه سعــود كان يضحــك وماقاومــه ..
أول مادخـل سعــود طاحت بحضنــه سالي ..
سعــود من بين دمـوعه اللي نزلت من ضحك :يابنت الحلال خليلـي فرصه اتنفس بعـدين ترى انا سعــود مو ياســر ...
سالــي وهي تزفــه عنهـا :سخيف وهـذي اخــر مره اتسـافر فيهــا ..
سعــود :لاحبيبتـي انا مأقدر أجلــس معك بالديره وحـده .. اصلاً مادري كيف بستحمـل هاليوميــن اللي بجلسهـن معك بنفس البيت ...
سالي :اجل خلاص أجلس أنت بالرياض وانا بروح عنــد أمـي بحائل ...
أم ناصــر اللي طلعت من المطبــخ :هذا بأحـلامك ماراح تطلعيـن من هالبيت الا علـى بيت رجلك ...
سعــود بلهفه :هلا والله بأختــي الغاليــه .. وراح يسلم عليهـا ويحب علـى راسهـا ...
سالي :وش قصدك يعنــي ..؟!!
سعــود وهـو يجلس : وش عنـدك بحائل ..!!
سالي جت بتكلــم بس أم ناصـر قاطعتهــا ...
أم ناصــر :وش بتروح تســوي مخططــه بتروح لحائل تقــول بتروح لحـائل عشـان أمي وهـي بالاصـل بتروح عشـان جدتــي بتحتمــي فيهـا ...
سعــود اللي مافهـم قصدها :طيب خليهـا تروح واذا مافيـه أحد يروح معهـا أنا روح معهـا ...
سالي بوناســه :ياعمــري والله يأغلــى ناس ...
أم ناصــر :انت من صدقك بتوديهــا ...
سالي :أم ناصــر خلاص عاد انســي اللي سمعتيــه ..
أم ناصــر :تبغيــن تشبين النار وتبينــي اسكت زين أني ماعلمت ابوي ...
سعــود بعصبيــه :وش بيتســوين ..؟؟؟!!!
سالي بقهــر وقفت :كنت بروح عنــد جدتي وبعلمهـا كل اللي سويتــوه فينــي واشوف ذاك الوقت من بيطلعنـي من بيتهــا ...
وراحت تركض لفوق لأن سعــود قام وكأنه بيضربهــا ...
سعــود بضحكـه :صدق خـوافه أنا ماراح اضربك بس ياســر لو سويتي لــه مثل هالحــركه محد بيلـومه لو ضربك ...
أم ناصـر :لاياشيخ تنقص يده قبل مايمد يـده عليهـا .. استح على نفسك تفضل صديقك علـى أختـك ...
سعــود وهو يقـوم يوقف :ماقلت كذا ...
ام ناصـر :اجلس وين بتروح..؟!!
سعـود :بروح اسلم على الرجال ماسلمت الاعلى الي صادفتهـم برى ...وبالنسبــه للجلسـه بجلس معكــم لميـن تملـون منــي ...
-----------------------

دخلـت سالي علـى البنات وهــي تركض وقفلت الباب وراها ...
وهــج :وش فيك تركضين ...
سالي اللي رمت نفسهـا على السرير قالت وهي تلهث :سعـ,,,ـود بيضربنــي ..
وهـج :بيضربك مره وحـده وش سويتــي ..؟؟!
سالي :قالت لــه أمك ليـش أنا بروح عنــد أمـــي ...
وهــج بضحكــه :تستاهليــن أنتـي والخطط هذي اللي ماتمليــن منهــا متــى بتستسلميــن ...
سالي :بجلس طــول عمــري أخطط وحـاول لين اطلق من ياســروه ...
وهــج :مجنــونه .. اطلعــي بانـام ...
سالي وهـي تطلــع :بطلــع بس لاتقفليــن الباب عنــي النـومه مع جنــى مو شــي ...

بعــد ماطلعت سالي تنهــدت وهــج ونزلت راسهــا على الوساده وبـدت تتذكــر كل الي صـار معهـا فاليومين اللي طافــوا ... أول شــي الخبــر اللي صدمتهـا فيـه سالـــي ....
سالي بتــردد :وهــج بقـولك شــي بس مأدري كيف أقــوله ...
وهــج :قولـي اسمعـك ..؟!!
سالــي :أنا وجنــى سمعنــا ناصـر وسلطان يتكلمــون بالخيمــه عنك ...
وهج اللي راح فكــره بعيـــد ..صرخت برعب :ياويلــي ...
سالي بســرعه :لاموعـن الموضوع هــذا هــم كانو يتكلمــون عــن ... وسكتت ماتدري كيف تقولهــا ...
وجلست تدور بنظــرها بكل الغـرفه أهم شي ماتناظـر بوهــج كلمــت وهي تناظـر بالسقف :تبين الصـراحه ناصر بزوجك لسلطــان حتى بدون ما يأخــذ رايك ...
وهج اللي كانت حاطـه يدها علـى قلبهـا نزلتهـا وتنهدت براحــه :بس كذا الحمدالله ...
سالي بصــرخـه تخـوف :كيف يعنــي بتسكتيــن لهــم ...
وهــج :هم يعـرفون مصلحتـي اكثــرمني ..
سالي :غبيــه والله العظيــم غبيــه ... بس انا مستحيــل أخليهــم يبيعــونك مثل ماباعــوني ...
وهج وهي تبكــي :سالي الله يخليك أطلعـي من هالمـوضوع أنا داريــه أن امــي سوت كذا لمصلحتــي ...
سالي بقهــر :مصلحتك أيه مصلحتك أنك تزوجيــن سلطـان اللي أكبـر منك بعشـر سنوات أو اكثــر .. وهج اصحــي سلطـان أكبـر حتى من ناصــر ...
وهج :مايهمنــي والله مايهمنــي أنا ابي ارتاح وبس ...
سالـي :وين الراحــه بزواج زي كــذا ارفضيــه وافقـــي على نايف ...
وهــج بالصدمــه :وش دخـل نايف ...
سالي :سمعت هيــلا وهي تكلــم أمـي وتقولهــا أن شيــوخ خطبتك لنايف بــس سلطـان كان خاطب قبلــه ...
وهــج برعب :لا ياربي مابيــه ..
سالي :لاتصيرين غبيــه نايف يعـرف ماضيك تدرين سلطــان لو درى أقل شي يســويه يطلقك بــس ...
وهــج :لااااااااا نايف لا مأبيــه أنتي تدريــن أن كل اللي سـواه نايف عشـان جنــى انا سمعتــه وهي يتهاوش مــع فارس ... وجلست تبكــي ... :مستحيــل اوافق علــيه يحب أختــي وأنا اتزوجـه مستحيــل ..
سالي بقهــر :بتضيعيــن مستقبلك عشــان لعــب المـراهقيــن وش حبــه بعــد صدقينــي هـذا كلــه تهيوأت وصدقينـي أول مايتزوجك بينســى جنـى وطوايف جنــى ...
وهــج وهي تهـز راســها بالنفــي :لا اللي يحــب ماينســى ..!!!
انقلبت وهــج علــى الجهه الثانيــه وتذكـرت زيارة أهـل سلطــان لـهم أمــس ...
بالنفــس اليوم بعـد مارجعت وهــج من الجامعـه شرحت لهـا أمهــا كل المــوضع لأن سالي تهـاوشت مع أم ناصـر وقلت لهــم ان وهــج رافضــه .. وضحكــت يوم تذكــرت الحـركات الي كانت تسـويها يوم زاروهــم اهل سلطـان عشـان تطفشهــم اللي زاروهــم أمــه اللي كانت كبيـره مره بالسن وثنتيــن من خواتـه وكلـهن متزوجات وثتنيـن حريم اخـوانه
خواتــه الكبيـره كانت مره حبوبـه واختــه الثانيــه وحريم أخــوانه كان واضح عليهــن مو هينــات وشكلـهن مو راضيات علـى الزواجــه هذي ..كل هـذا ماهمهـا أهم شي أن امه شكلهـا طيبـه ومسيطـره علـيهــن ...
وكانــوا كلهــم مندهشيــن من جمال سالي اللي توقعـوها بالبدايــه وهـج بس كان مصدوميـن من وقاحتهـا بالكــلام والبــس ..وسالي كانت مطلـعه لوهـج لبس جريء عشـان تلبســه بس أم ناصـر طردت سالي من غرفة وهــج عشـان ماتلعب بعقلهــا بس فضحتهـا تحت عنـد الحــريم ... وكانت شوي ولاتهـاوشت معهــم لو ماصرفتهـا أم ناصــر ...
تذكــرت خجلهــا الشديد منهــم وخصوصاً لطريقتهــم اللي يتفحصونها فيهـا وكأنها سلعه للبيــع ...
رجعت تحاول تتذكــر اشكالهــم اللي مأنتبهـت لها من الارتبـاك أمه كانت لابسـه برقع ومو طالع غيـر عيونهـا خواتـه كانـوا عاديات جـداً وسمــر وحـريم خوانهــن مايزيدن عليهــن بس سلطــان غيــرهم ..همست وهـج لنفسهـا وهي تغمض عيونهـا بتنام ...
-------

دقت سالي الباب علـى جنـى..
جنــى :لاتدخليــن ..
سالي: دخلــت ...
جنــى :مو قلت لك لاتدخليــن .. تقول هالكـلام وعيونهـا على الكمبيــوتر ...
سالي :وش تســوين ..؟!
جنــى :اتدرب على برنامج اخذناه اليــوم ...
سالي :لاتقـولين أنك بتنامي بعــد ..
جنــى :لامونايمــه الليلـه صباحـي ...
سالي :ياعينـي عليك تعجبينــي ..
جنـى :مالت عليك مو سهـرانه معك بسهـر مع البنات فالمنتــدى ...
سالي :ايش وأنا من اسهــر معـه ..
جنـى بأستهبــال :روحي اسهـري مع ياســر الحقيـه بسـرعه قبل مايطلــع ..
سالي :ايه صح حطـوا عشاء الرجال ..
جنــى :والله مادري وش قالو لك من سكان المطبــخ ...
سالي قفزت من مكانهــا :جنــى قومي بسـرعه وادعـي انهم ماحطــوا العشـاء للحيــن ...
جنــى :وش بتســوين لايكــون بتحطيـن لهـم فالعشــاء سـم فئران ..
سالـي :مالت عليك ويـن احط فيــه وهم يجيبـونه من برى وعلــى طول للمقلــط ...
جنــى :طيب وش بتســويـن ...
سالي وهي تلعب بحواجبهــا :بروح للخيمــه ...
جنــى :لاغبيــه أنتـي ويـن تروحيــن ...
سالي اللي طلعــت:خوافــه بروح وماعلــي منك ...
جنــى :سالي تعالي وش بتســوين ..
سالي :مالك دخـل لاجيتـي تعرفيـن وش بســوي ...
نزلت سالي الدرج كل ثنتيــن بخطــوه ...وبالصـاله تحت خابــت كـل آمالهــا لأن سعــود وناصــر كانـوا تحـت يعنـي خطتهـا فشلت قبل ماتبـدأ ...
أم ناصــر :وينــكن مانزلتـن تعشـن ..
سالي بخيبـة أمــل :نامــوا مابقـى غيـري ومالـي نفس للأكــل ...
سعــود :وأنتــي ليـه ماتروحيــن تنامـين ...
سالــي :جالسـه على راسك انا اللحيـن ..
ناصــر :يبغاك تكـوني مثــل زوجك تنامــي بدري ..
سالي بأستخفاف :أي زوج هــذا ...
سعــود بعصبيــه :سالـي ..
سالـي :ماتبينــي أتكلــم عنـه لاتجيبـوا طاريــه قدامــي عشان ماهيــنه ...
سعــود طنشهــا مايبغـى يكبـر السـالفـه بس سالي مستحيـل تسكت ..
سالي :لهدرجــه ماترضــى عليــه وأنا بطقــاق مو كفــايه أبوك وأمــك كلكلــوا اجتمعتــوا علــي بس صدقــوني بيجــي يوم بتدفعــون كلــكم فيــه الثمــن وأولهــم أنت ياسعــود للأسف كنت احسبك عزوتــي الوحيــد بس خيبتي ظنــي فيك ... وطلعت تركض للحــوش ..
سعــود قـام بيلحقـها بس ناصـر منـعه ..
ناصـر :خلهـا لو لحقتــها بتجرحك كثيــر أنانيــه ماهمهـا غير نفسهـا ..
سالي بالحـديقه طلعــت جوالهـا من جيبهـا بيد مترجفـه وكتبت رسـاله وارسلتهـا لياسر كان فيهـا ...
((..ابتعــد عنـي خلاص وش تبــي أكثـر حتــى أخــوي اخـذتـه منــي .. أكــرهك اكــرهك لو كررتهـا مليـون مـره ماتعبــر عنــي اللي داخلــي أكــرهك ولاعمــري كرهــت انسـان كثــرك ... طلقنــي الله يأخــذك ويرحنـي منــك .. صدقنــي يوم موتك يــوم سعــدي ..))
تجــرح .. قــويه.. تعــور القلــب صــح هــذي مشـاعرنا حنـا أجل مشاعـر ياســر كيف ... احســاس بارد كأنــه أحــد جاء وزرع سكيــن بقلبــه تعـرفـون شعــور الواحــد اللي يكــون بقمــة فرحتــه وفجــأه تتحــول فرحتــه لتعــاســه وكأن كــل اللي صـار معــه حلــم واللحيــن جاء الوقت اللي يصحــى فيــه كان متــوقع سالي بتليــن معـه وتحـس فيــه بس الحجـر كيف يليــن ويحــس ..عمــر سالي ماراح تحـس بمشـاعره وأذا حسـت اكيــد بتهينــه ... وهو مستحيــل يسكـت لهـا ...
وبحـركه من يده شغــل المسجـل والكــست اللي فيــه أغنيــه وحـده بس يسمعهـا لين حفظهـا وكأنــه هو اللي كاتبهـا ...
ياخســاره حبيـت واحـد مادرى عنــي ..ياخسـاره اشقـيت نفســي بالتمنــي
الحقيقـه الزيــن مايدري .. أنـه في دنيـاي شمسي وبدري ...
آآه يالزمـان ليــه أنا سـاكـت ..آآه يالقهـر عيونـي مانامــت ..
فجـأه تاهـت القهـر وطـال فعينـي السهر ...
ياخسـاره الزيــن مايـدري أنـه في دنيـأي شمسـي وبدري ..
ودي اصـرخ وأقول :انــي أحبــه .. واعتـرف قلبــي مات في وده
..لاكــن الخــوف سيطــر على أحســاسي ..
أخاف اتفاجأ بــرده القاســي .. ويقــول .. يقــول: مأحبــك ..!!.
..يتغيـر الحال.. يتغيـر الحال ..
افضـل السكـوتي وأقـول : الزيـن مايدري .. الزيــن مايــدري ...

___________________
قفــلت رحاب من خالــد وهــي مبسوطــه خطتهــا جالســه تمشـي مثـل ماهـو مخطط لهــا مع أن مكالماتهـا مع خالد تسبب لهـا الالـم لأنهـامثـل اللي تذر الملـح علــى الجــروح .. بــس انتقـامهـا منــه صار فــرض عليهــا بعــد الوعــد اللي قطعتـه على نفسهـا ووعــد الحــر ديــن عليــه ... رغبتهــا بالانتقـام منــه تزيــد مـع نهـاية كــل مكــالمـه .. خالد كــان واثق فيهـا لدرجــه تثيـــر الضحــك خالد القــوي اللي يشــوف نفسـه أقــوى من أي بنــت كان يخــر كل اسراره لهــا ...
كــل مغامــراته مع البنــات عنــدها حتــى مغامــرته مع رغــد وشلتهـا قالهــا لهـا وفاتــن والكــل مابقــى لنفســه ســر حتــى الرجـال اللي صدمــه اخوهــا قالهــا قصتــه ورحـاب ماتفاجئـت لأنهــا تدري أن أخـوها عمـره ماكان لــه قلب ... حتــى صد بنت عمــه خلـود له قاله وكـان يتألــم وهـو يقـولها مــواقف معهـا ورفضهــا له يوم خطبهـا بس أخــوانهــا بيجبــرونها علـى الزواج منــه ... كانت تضحــك وبالنفـس الوقت تبكــي يوم أكتشفت أن بنت عمــه خلــود صديقتهــا بالمــدرســه اللي كانت تثيــر شفقتهـا بس اللحيــن مضطـره تشركهـا فالانتقــام وتسبب لهــا الالــم ويمكــن تتسبب فمــوتهــا ...
________________________

نايــف لــه ثلاث أيـام بالشـرقيــه واليــوم بــس رجـع للبيــت أمــه اقلــبت الدنيــا عليـه وكلمــت أبــوه اللي دوروه بكــل مكـان حتــى فارس كلمــوه وقالهــم آخـر يوم شافــه فيــه والغـريب أنـه الوحيــد اللي شافـه بذاك اليــوم .. صح أنــه خـلاص صداقتهــم تحطمــت بـس حاول يدوره ولـو فيــوم من الايـام كـان عـزيز عليــه سأل عنــه كل ربعـهم محــد يدري عنـــه ... شيخــه انفجعــت يوم شافــت شكــل ولــده اللي أنقلب حالــه بثلاث أيام الارهاق كان وضح عليــه ويده ملفــوفـه بشـاش وضاغـط وكانت مربـوطـه برقبتــه ...الكــل حسـب أنـه مســوي حادث وهــو ماصحح لهــم خلاهــم على ظنهــم .. رجــع وهــو مصـر علــى قرار لازم ينفــذه بــس أمــه صدمتـه يوم قالت له بكــل بساطــه ان اليــوم ملكـة وهــج وكانت مقهـوره لأن محــد عزمهــا .. نايف تضـايق بس بنفــس الوقت ارتاح لأنــه ماعاد بيضحــي بحبــه عشـان شــرفه ... وقطــع وعـد على نفســه انــه بيغيــر حيـاته واصدقاء السوء بيهجـرهـم وبيكمــل دراستــه وبنفس الوقت بيشتغــل مـع أبــوه وخــواتــه بيتنبــه لهـم وبشدد عليهــم مايبغــى المـوقف اللي صار معــه يتكــرر معهــم وصدق كمـاتدان تديــن وأي واحــد يلعـب بأعــراض الناس لابــد يجــيه يـوم وينطعــن بعـرضـه ...
ولاناصــر الشديــد اللي عمــره ماغلط علــى حد علمــه اختــه يصيـر فيهـا كــذا أجـل هو اللي مهمــل خواتـه ومسيب لهــم الحبـل على الغارب وش بيصيـر معـه ...
وياليــت صدمـته بنت خالــه تكـون هـي العقــاب المنتظـــر .. بــس اللي ماتـدريــه أن وهـج ماكانت عقــاب لك ولا لنـاصــر لـوهج ديــن وبيتسدد حسـابــه

--------------------------
صحت سالــي على الساعــه وحــده ونصف الظهــر بعــد مأرسلــت رسالـه لياســر وكانت فعـز نشوتهــا وهي مرتاحــه لأنهـاتـدري ان الرساله بتصيبــه بالصميـم ..
بــس نشوته تبخــرت يوم فتحــت جوالهـا ولقت فيــه رساله منــه بتـاريخ أمــس بعـد نصف ساعــه من الرسالـه اللي ارسلتهـا
((..للأســف طمـوحي أكبــر من انــي أخلـي النـاس بــس تكـرهك بخلــيك تكـرهين حتــى نفسك وانتــي تدريـن متــى ..!! بــس صبـرك علــي .. وكرهــك لـي مايعنـي لي شــي ..))
ضـربت الجــوال علــى الجدار وجلت تدعس بحذاهــا بقايــه ... كان ودهـا تصرخ تلفظ عليــه بس راعــة حرمــة الشهــر ..
نزلت للصاله تحـت ماكان فيـها أحــد سمعــت صوت جاي من الخيمــه ماحبـت تدخـل سمعـت صوت ناصــر وسعــود وأم ناصــر ...
مــرت علـى المطبــخ ماكان فيـه حتى الشغالات نايمـات غـريبــه ... يعنــي مافيــه مفــر رجعـت لهـم بالخيمــه يوم شافـوها سكتـوا ...
سالي بعصبيــه :ليــش سكتــوا يـوم دخلــت .!!!
سعــود :اللهــم أنــي صائــم ...!!
أم ناصــر :ايه صح سالي مانقــدر نأخذهـا معنــى وزواجهــا بعــد شهــر بس ..
سالي اللي ماتــدري وش السالفه بس عنــاد :الا بــروح ..
ناصــر باستغــراب :اللحيــن انتـي تدرين امــي وش تقصــد ..
سالــي :مو لازم ادري بس رجلــي على رجلك ...
ناصــر :حتــى لو قلت لـك أنا بنفطــر فبيت عمــي أبراهيــم ...
سالــي كانت بتقــول لا بعــد أمـس بــس لزوم العنــاد :الابــروح وش حيت أنتــي تروحيــن ليــش مجنــونه ولا مشــوهه تتركـوني بالبيـت لحالـي ...
سعــود :ول عليهــا ماعنــدها وقت أمــوت وعـرف ليش مصـره علـى الروحــه ...
سالي برود :ولا شــي بس صلـة الرحـم واجبــه ...
سعــود: هــذا تأثيــر الشهــر عليك ...
سالي :وتمنــى يكـون له نفــس التأثيــر عليك وتصحح بعـض غلطــاتك فحقــي ...
سعــود بدهشــه :أنا بأيش غلطــة عليك ..!!!
سالي :حاسب نفســك زيـن وبتعرف بأيش غلطــة علـي ...
سعود كان بيتكــلم ..بس ناصـر قاطعــه ..
ناصــر :بتتعـب بكلامك معهـا وماراح تقـدر تفهمهـا ...
سالي :أجـل أنت اللي فاهمنـــي ..
ناصــر :حاولت باللي أقـدر عليــه بــس أنتي ماساعـدتي نفسك ...
سالي :وكيف اساعـد نفســي من وجهة نظرك يافيلسـوف ...
ناصــر :ارضــي بالواقـع وعيشي مثــل ماقــدر عليــك .. زواجــك ياسالــي قدر مكتــوب لك من قبل ماتنوجـديــن فهالكــون متــى بتفهميــن هالكــلام ...
سالــي :اذا كان زواجــي قــدر فصـراعـي عشان اخلــص نفســي منــه قدر بعـــد ...!!!